بلوچستاندا سلاحلی سالدیری
بلوچستان ایالتینین باغیمسیزلیغینی ساوونان هؤرگوتلر، ایالتده گوونلیک گوجلرینه تئز تئز سالدیریلار تشکیل ائدیر
![بلوچستاندا سلاحلی سالدیری](http://cdn.trt.net.tr/images/xlarge/rectangle/a73a/69cd/dd40/5bd2bb8774064.jpg?time=1719180265)
پاکیستاندا ژنرال سید احمد ناگرانی داشییان ماشینا سلاحلی سالدیری نتیجهسینده ۲ عسگر حیاتینی ایتیردی.
پاکیستان مئدیاسیندا یئر آلان بیلگیلره گؤره سالدیری، بلوچستان ایالتینین واشوک شهری یاخینلیغیندا باش وئردی.
سرحد قولاوردولاری گونئی قانادی باش مفتیشی اولان ناگرانین دا ایچینده اولدوغو بئش آراجلیق کروانا آتیش ائدیلمهسی نتیجهسینده ۲ عسگر حیاتینی ایتیردی.
ناگرا ایسه سالدیریدان یارا آلمادان قورتولدو.
سالدیرینی، بلوچستانین مستقیللیگینی ساوونان بلوچستان آزادلیق اوردوسو اوزرینه گؤتوردو.
پاکیستان ایچ ایشلری باخانی شهریار آفریدی، سوسیال مئدیا اوزریندن سالدیرینی قینایاراق،
"اولکهمیزین دوشمنلری بو طرز قورخاقجا سالدیریلارلا بیزیم روحیهمیزی یوخ ائدهبیلمهیهجک. ژنرال ناگرانین کروانینا ائدیلن سالدیرینی قیناییرام. بیرلیکده بلوچستانین پروبلئملرینی حل ائدجییک" ایفادهلرینی ایشلتدی.
بلوچستاندا باشقا بیر حادثهده ایسه بیر پلیس مأمورو، موتوسیکلئتلی سالدیرقانلار طرفیندن ائدیلن آتیش نتیجهسینده حیاتینی ایتیردی.
سالدیرینی پاکیستان طالبانی اوستلندی.
بلوچستان ایالتینین باغیمسیزلیغینی ساوونان هؤرگوتلر، ایالتده گوونلیک گوجلرینه تئز تئز سالدیریلار تشکیل ائدیر.
انرژی مرکزلری، آریندیراقلاری و لیمانی ایله پاکیستان اقتصادی باخیمیندان اؤنملی اولان گوادار لیمانی دا، بلوچستان ایالتینده یئرلشیر.
آیریلیقچی هؤرگوتلر، بو لیمان و لیمانی اؤلکهنین دیگر بؤلگهلری ایله چینه باغلایان یولا دا آرا آرا سالدیری تشکیل ائدیر.