سپاه، مخابرات سهملرینی الدن چیخارتدی
حسن روحانی، بیر چوخ دفعه باشدا انقیلاب محافظلری اوردوسو اولماقلا سلاحلی گوجلری، اقتصادی فعالیتلرینی سونلاندیرماغا دعوت ائتمیشدی
![سپاه، مخابرات سهملرینی الدن چیخارتدی](http://cdn.trt.net.tr/images/xlarge/rectangle/9067/8d08/1038/5bd17c3d45c8c.jpg?time=1719197654)
ایران اقتصادیندا بیر چوخ سئکتوردا فعالیت گؤسترهرک تکاللشدیگی سببیله تنقید ائدیلن اسلام انقیلابی پاسدارلاری اوردوسو، مخابرات و موبایل سئکتورداکی سهملرینی الیندن چیخاردی.
انقیلاب محافظلری اوردوسو یاردیملاشما فوندو طرفیندن وئریلن یازیلی آچیقلامادا، ایران مخابرات شیرکتی و اونا باغلی ایران همراه اول سهملرینی الینده توتان "توسعه اعتماد مبین" آدلی بیرلیکده صاحب اولونان سهملرین ساتیلاراق بیرلیکدن چیخدیغی بیلدیریلدی.
ساوونما باخانی امیر حاتمی، ژانویه آییندا ایران قزئتینه وئردیگی مصاحیبهده، دینی لیدئر آیتالله علی خامنهاینین سلاحلی گوجلرین اقتصادی فعالیتلردن چکیلمهسی گؤستریشی وئردیگینی آچیقلامیشدی.
پرزیدنت حسن روحانی ده بیر چوخ دفعه باشدا انقیلاب محافظلری اوردوسو اولماقلا سلاحلی گوجلری، اقتصادی فعالیتلرینی سونلاندیرماغا دعوت ائتمیشدی.
ایران سلاحلی گوجلری ده آگوست آییندا نقلیات، انرژی و تیکینتی سئکتورلاریندا خیدمت وئرهن ۱۳۰دان چوخ شیرکتدهکی فعالیتلرینی دوردوردوقلارینی بیلدیرمیشدی.