"ایران، یاییلماچی سیاستینی بوراخسین"
عربستان خاریجی ایشلر باخانی عادل الجبیر ایرانی تنقید ائتدی
!["ایران، یاییلماچی سیاستینی بوراخسین"](http://cdn.trt.net.tr/images/xlarge/rectangle/ad9a/6a97/ad0b/5baf68dc54e2d.jpg?time=1719174515)
عربستان خاریجی ایشلر باخانی عادل الجبیر، اورتادوغودا باریشین برقرار اولماسی اوچون ایرانین یاییلماچی و ییخیجی سیاستینی بوراخماسی لازیم اولدوغونو سؤیلهدی.
عربستانین رسمی آژانسی سپانین خبرینه گؤره نیویورکدا بیرلشمیش میلتلر تشکیلاتینین باش قورولوندا دانیشان الجبیر، فیلیسطین مسئلهسینین اؤلکهسی و اسلام دونیاسی اوچون اهمیتینی وورغولایاراق، ۱۹۶۷ سرحدلرینده باشکندی دوغو قدس اولان فیلیسطین دؤولتینین قورولماسینین بیر حاق اولدوغونا دقت چکدی.
ایسراییل-فیلیسطین گرگینلیینه ایشاره ائدن الجبیر، بؤلگهده چؤزومه چاتماق اوچون یاخشی نیتلی چابالارین آرتیریلماسی چاغریسینی تکرارلادی.
الجبیر، تخمیناً ۴ ایلدیر حوثیلرله چاتیشمالارین سوردویو یمندهکی وضعیته ده توخوندو.
اؤلکهسینین یمن اقتصادینی دستکلهمک اوچون ۲ میلیارد دلار مالی یاردیم ائتدیگینی بیلدیرن الجبیر، ۴ ایلده یمنه گؤستریلن انسانی یاردیم دگرینین ایسه ۱۳ میلیارد دلاری گئچدیگینی ایفاده ائتدی.
الجبیر، بو گونه قدر "ایرانا باغلی تروریست حوثی میلیتانلارین" عربستانا آتدیغی ۱۹۹موشکین انگللندیگی معلوماتینی وئردی، ایرانی "تروریست حرکتلری و سالدیرقان توتومونو داوام ائتدیرمکله" سوچلادی.
عربستان خاریجی ایشلر باخانی الجبیر،
"اورتادوغودا باریش و ثابیتلیگین تامین اولونماسی اوچون ایرانین یاییلماچی و ییخیجی سیاستیندن گئری چکیلمهسی لازیم اولدوغونا اینانیریق" دئیه دانیشدی.