ایران، اهواز سالدیریسینین مسئولونو آچیقلادی
ایران دؤولت تلویزیونونا دانیشان ابوالفضل شکارچی، ۴ سالدیرقاندان ۳ونون حادثه یئرینده بیرینین ده خستهخانادا اؤلدویونو آچیقلادی
![ایران، اهواز سالدیریسینین مسئولونو آچیقلادی](http://cdn.trt.net.tr/images/xlarge/rectangle/af77/bc82/b6f1/5ba632b6883b8.jpg?time=1719117154)
ایران باش قرارگاه سؤزچوسو ژنرال ابوالفضل شکارچی، آمریکا، ایسراییل و عربیستانی اهوازداکی سلاحلی سالدیریدان مسئول توتاراق، "بو سالدیریلار جاوابسیز قالمایاجاق" دئدی.
شکارچی، ۴ سالدیرقانین سلاحلارینی بیر نئچه گون اؤنجه بصره کؤرفزیندهکی اؤلکهلردن آلدیغینی و مراسیملرین ائدیلدیگی ساحهیه گیزلهتدیکلرینی آچیقلادی.
سالدیرینی حیاتا گئچیرهن قروپون آمریکا و ایسراییل ایله عباغلانتیلی اولدوغونو ادعا ائدن شکارچی، "قروپ، کؤرفزدهکی دؤولتلرین ده حربی و مادی دستگی و قوروماسی ایله سالدیرینی حیاتا گئچیردی" ایفادهلرینی ایشلتدی.
"بو قروپلارین و اؤلکهلرین بو حرکتلری قارشیلیقسیز قالمایاجاق" دئین شیکارچی، "آمریکا، ایسراییل و عربیستان دایم بیزه قارشی میداندا. او اوزدهن بو جور حادثهلر چوخ نورمالدیر" دئدی.
ایران دؤولت تلویزیونونا دانیشان شکارچی، ۴ سالدیرقاندان ۳ونون حادثه یئرینده بیرینین ده خستهخانادا اؤلدویونو آچیقلادی.
ایران خاریجی ایشلر باخانی محمد جواد ظریف اهواز شهریندهکی حربی پاراد مراسیمینه تشکیل اولونان سالدیریدان آمریکا و تروریزمین بؤلگهسل دستکچیلرینین سوروملو اولدوغونو بیلدیرمیشدی.
بو سحر اهواز شهریندهکی حربی مراسیمه تشکیل اولونان سلاحلی سالدیریدا ۲۴ نفرین اؤلدویو ۵۳ نفرین ده یارالاندیغی آچیقلانمیشدی.