داعش کرکوک-ده یوکسک ولتلو الکتریک خط لرینی تخریب ائتدی
داعش کرکوک ایله دیگر شهرلر آراسینداکی یوکسک ولتلو الکتریک خطلرینی تخریب ائدیب.
![داعش کرکوک-ده یوکسک ولتلو الکتریک خط لرینی تخریب ائتدی](http://cdn.trt.net.tr/images/xlarge/rectangle/568c/c31e/f59d/5b694bc828c04.jpg?time=1719200280)
ترور تشکیلاتی داعش-ین عراق-ین شیمالینداکی کرکوک ایله دیگر شهرلر آراسینداکی یوکسک ولتلو الکتریک خط لرینه قارشی تخریباتچیلیق نتیجهسینده بؤلگهده 18 ساعتا یاخین الکتریک کسیلیب.
کرکوک الکتریک پایلاما شیرکتینین مودیری یالچین مهدی مطبوعاتا وئردیگی آچیقلامادا داعش عضولرینین سون بیر هفتهدیر تقریباً هر گون یوکسک ولتلو الکتریک خط لرینه قارشی تخریباتچیلیق تؤرتدیکلرینی سؤیلهییب.
کرکوکده اولان اوچ اؤنملی الکتریک سانترالیندن دیگر شهرلره اؤتورولن الکتریکی داییشان یوکسک ولتلو خط لرین هدف گؤتورولدوگونو وورغولایان مهدی داعش-ین الکتریک خطلرینی هدف گؤتورهرک وطنداشی حکومته قارشی تحریک ائتدیگینی بیلدیریب.
قئید ائدک کی، عراق-ین الکتریک ناظیرلیگینین سؤزچوسو موساب المدرس ژوئیه نین 6-دا وئردیگی آچیقلامادا ییغیلان بورجلارا گؤره ایرانین عراقا مین مگاوات لیق الکتریک انرژیسینی دایاندیماسی ایله میسان، زیکار و بصره شهرلرینه الکتریک کسیلمه مودتینین داها دا اوزادیغینی اعلان ائدیب.