آمریکا تروریستلره سلاح گؤندردی
آمریکا، اساسینی پکاکالی تروریستلرین اولوشدوردوغو دموکراتیک سوریه گوجلرینه ۲۰۰ تریلر سلاح گؤندردی
![آمریکا تروریستلره سلاح گؤندردی](http://cdn.trt.net.tr/images/xlarge/rectangle/07be/f5fa/eab2/5b44520517757.jpg?time=1719143386)
بؤلوجو ترور هؤرگوتو پکاکا/ی.پ.گیه دستگینی تورکیهنین اعتراضلارینا باخمایاراق داوام ائتدیرهن آمریکا، سوریهنین قوزئیینده حسکه شهرینده اولان و اساسینی پکاکالی تروریستلرین اولوشدوردوغو دموکراتیک سوریه گوجلرینه ۲۰۰ تریلر سلاح گؤندردی.
واشینگتون، ۲۰۰ کامیون دولوسو سلاح، حربی لوازیم و حربی تکنیک حسکهیه چاتدیردی.
آمریکانین وئردیگی سلاحلارین عراق اوزریندن سوریهیه دموکراتیک سوریه گوجلری و عراق سرحدچیلری طرفیندن کنترل ائدیلن سیملکا سرحد قاپیسیندان گتیریلدیگی بیلدیریلیر.
دموکراتیک سوریه گوجلری قایناقلاری، اؤزلرینه چاتان سلاحلاری حسکهنین گونئیینده ترور هؤرگوتو داعشه قارشی داوام ائدن عملیاتلاریندا ایستیفاده ائدجکلرینی دئدی.
آمریکا، دموکراتیک سوریه گوجلرینه ژوئن آییندا دا ۲۵۰ تریلی ایله آغیر سلاح و زرهلی هامر ماشینلاری گؤندرمیشدی.
سون گؤندری ایله بیرلیکده آمریکا، سوریه بحرانینین باشلادیغی ۲۰۱۱.جی ایلدهن بو گونه دموکراتیک سوریه گوجلرینه ان آز ۵۰۰۰ تریلر آغیر سلاح وئرمیش اولدو.