ژنرال دوستومون ان گوجلو قوموتانی توتوقلاندی
نظامالدین قیصارینین دونن آخشام فاریابین مرکزی میمنه شهرینده توتوقلاندیغی بیلدیریلدی
![ژنرال دوستومون ان گوجلو قوموتانی توتوقلاندی](http://cdn.trt.net.tr/images/xlarge/rectangle/ca7b/1978/5f7c/5b2b59f1ac211.jpg?time=1719071917)
افغانیستان پرزیدنتی بیرینجی یاردیمچیسی و اسلامی ملی جنبش پارتیسینین لیدئری رشید دوستومون "ان گوجلو" قوموتانی نظامالدین قیصاری، فاریاب ویلایتینده توتوقلاندی.
فاریاب ولایت شوراسی باشقانی محمد سامی خیرخواه، دوستومون ان گوجلو قوموتانی نظامالدین قیصارینین دونن آخشام فاریابین مرکزی میمنه شهرینده توتوقلاندیغینی بیلدیردی.
توتوقلاما سیراسیندا گوونلیک گوجلری ایله قیصارینین قورومالاری آراسیندا چاتیشما یاشاندیغینی ایفاده ائدن خیرخواه، چاتیشمادا قیصارینین ۴ قوروماسینین اؤلدویونو، اوچونون یارالاندیغینی دئدی.
خیرخواه،
"قیصاری، دؤولت گوجلری طرفیندن اللری باغلاناراق حربی اوچاق ایله کابلا گؤندریلدی" دئدی.
قیصارینین، بیرینجی توغای قوموتانلیغینا توپلانتی بهانهسی ایله چاغیریلدیغینی دیله گتیرن خیرخواه، قیصارینین توتوقلانماسی خبرینین یاییلماسینین آردیندان طرفدارلارینین شهر مرکزینه گئتدیگینی بیلدیریدی.
دیگر طرفدن، جوزجان ویلایتینین مرکزی شبرغان شهرینده ده قیصارینین توتوقلانماسینا تپکی اوچون گؤستری دوزنلهندیگی بیلدیریلدی.
ژنرال رشید دوستومون ان گوجلو قوموتانی قیصارینین ۲ میندن چوخ عسگری وار.