حسن روحانی، آمریکا ایله ایقتیصادی ساواش حالیندا اولدوقلارینی بیلدیریب
باشکند تهراندا کئچیریلن محکمه حاکمیتی عمومی توپلانتیسیندا دانیشان روحانی، آمریکا رهبرلیگینین ایران ایقتیصادینی هدف آلدیغینی سؤیلهدی
![حسن روحانی، آمریکا ایله ایقتیصادی ساواش حالیندا اولدوقلارینی بیلدیریب](http://cdn.trt.net.tr/images/xlarge/rectangle/645f/0342/3f30/5b32125d95e11.jpg?time=1718971233)
ایران پرزیدنتی حسن روحانی، آمریکا ایله ایقتیصادی ساواش حالیندا اولدوقلارینی بیلدیریب.
باشکند تهراندا کئچیریلن محکمه حاکمیتی عمومی توپلانتیسیندا دانیشان روحانی، آمریکا رهبرلیگینین ایران ایقتیصادینی هدف آلدیغینی سؤیلهدی.
آمریکا ایله ایقتیصادی ساواش حالیندا اولدوقلارینی ایفاده ائدن روحانی، "دوشمنین هدفی ایران ایقتیصادیدیر. آمریکا، ایران ایقتیصادینا ضربه وورماغی هدفلییر." دئدی.
اؤلکه دیشیندا تخمینن 6 میلیون ایرانلینین یاشادیغینی دیله گتیرن روحانی، بو وطنداشلارینا "ایرانا گئدهرک سرمایه قویماغا" چاغیریب.
روحانی، داواملی آرتیش گؤسترن ارز مزندهلرینه دایر ایسه "لازیمی میقداردا ارزه مالیکیک. خالق بو بارهده ناراحات اولمامالیدیر." ایفادهسینی ایستیفاده ائتدی.
اؤلکهده ارز تأمیناتی مسئلهسینده پروبلم اولمادیغینی ساوونان ایران پرزیدنتی روحانی، 50-60 نفرلیک بیر قروپون ارز بازاریندا پروبلم چیخارماغا چالیشدیغینی ایفاده ائتدی.