یمنده حکومت گوجلر، سعده اوستانیندا بعضی کندلری اله کئچیردی
یمنده قانونی حکومته باغلی گوجلر، سعودی عربیستانی سرحدیندکی سعده اوستانیندا بعضی کندلر ایله نیظامی نقطهلرین ایدارهسینی اله کئچیردی
929379
![یمنده حکومت گوجلر، سعده اوستانیندا بعضی کندلری اله کئچیردی](http://cdn.trt.net.tr/images/xlarge/rectangle/996b/ef2d/f9eb/5a82ca29a78b2.jpg?time=1719123921)
یمنده قانونی حکومته باغلی گوجلر، سعودی عربیستانی سرحدیندکی سعده اوستانیندا بعضی کندلر ایله نیظامی نقطهلرین ایدارهسینی اله کئچیردی.
نیظامی منبعلردن آلینان معلوماتا گؤره، یئددینجی بریقاد گوجلرینه باغلی سرحد گؤزتچیلری، حوثیلرین موضعلرینه سالدیری تشکیل ائدن سعده اوستانینین غربیندکی رازیه محلینه باغلی دؤرد کندی ایله بعضی نیظامی نقطهلرین کونترولونو تامین ائتدی.
کونترولو تامین ائدیلن کندلرین ایستراتژیک یئرلر اولدوغونو ایفاده ائدن قایناقلار، حوثیلرین، سؤز موضوعسو کندلردن سعودی عربیستانینا عایید نیظامی نقطهلره و وطنداشلارا عایید یئرلره سالدیریلار تشکیل ائتدیگینی ایفاده ائتدی. قایناقلار، حکومت گوجلرینین حوثیلره هوجومو اثناسیندا چیخان قارشیدورمالاردا هر ایکی طرفدن ده اؤلن و یارالانانلارین اولدوغونو کؤچوردو