بقایی‌یه حبس و قیرباج جزاسی
بقایی‌نین حبس و قیرباج جزاسینین یانی سیرا پول جزاسینا دا چارپدیریلدیغی بیلدیریلدی
ایرانین اسکی جمهورباشقانی محمود احمدی‌نژادین یاردیمچی‌سی حمید بقایی‌یه یولسوزلوق/فساد ائتدیگی گرکجه‌سی ایله وئریلن ۱۵ ایل حبس و قیرباج جزاسی اونایلاندی.
بقایی، جزاسینین اونایلانماسینین آردین‌دان توتوقلاندی. ایران یارغی ارکینه عاید میزان خبر آژانسینا دانیشان تهران عدلیه‌سی باشقانی غلامحسین اسماعیلی، "یولسوزلوق" ندنی ایله یارغیلاندیغی محکمه طرفیندن بقایی حاقیندا وئریلن قرارین تمیز محکمه‌سی طرفیندن اونایلاندیغینی آچیقلادی. اسماعیلی، بقایی‌نین ۱۵ ایل حبس و قیرباج جزاسینین یانی سیرا پول جزاسینا دا چارپدیریلدیغینی بیلدیردی.
خبرده بقایی‌نین نئچه قیرباج جزاسی آلدیغی بیلگیسینه ایسه یئر وئریلمه‌دی. احمدی‌نژادین جمهورباشقانلیغینداکی ۱۰.جو کابینه دؤورونده قاریشدیغی "سوءایستیفاده" سببیله گؤزآلتینا آلینان و ۹ جولایدا حبس‌خانایا قویولان باخان، آجلیق ائیلمی سببیله راحاتسیزلاناراق خسته‌خانایا قالدیریلمیشدی. بقایی، تخمیناً ۵ میلیون دلار پول جزاسی ایله ۲۶ جولایدا توتوقسوز یارقیلانماق اوزره سربست قالمیشدی.
