اسد آتشکس قراری باخمایاراق، شرق غوطهده شیمیای سیلاح ایستیفاده ائتدی
سیویل ساوونما (آغ بؤرکلولر)، سوسیال مئدیا حسابیندا پایلاشدیغی آچیقلامادا، اسد رژیمینین دوغو غوطهدکی شیفونیه محلینی کلور گازی ترکیبلی شیمیایی سیلاحلا ووردوغونو ائشیدیردی
بشار اسد رژیمی، بیرلشمیش میللتلر امنیت شوراسینین سوریهده گئجیکمهدن آتشکس تامین ائدیلمهسی قراری آلماسینا باخمایاراق، شرق غوطهده یئنه ده شیمیای سیلاح ایستیفاده ائتدی.
سیویل ساوونما (آغ بؤرکلولر)، سوسیال مئدیا حسابیندا پایلاشدیغی آچیقلامادا، اسد رژیمینین دوغو غوطهدکی شیفونیه محلینی کلور گازی ترکیبلی شیمیایی سیلاحلا ووردوغونو ائشیدیردی.
دوما خستهخاناسی مسئوللاری دا، 16 وطنداشین زهرلی گازدان تاثیرلندیگینی بیلدیریب.
اسد رژیمی سون ایکی آیدا دوما منطقهسینده 3 دفعه کلور گازی سالدیری ائتمیشدی.
خستهخانا منبعلری، شیمیایی مزمونلو سالدیری باشقا، گون ایچیندکی بومباردماندا 1 اوشاغین اؤۀدوغونو قید ائدیب.
رژیم گوجلری دونن شرق غوطهنین دوما، حرستا، شفونیه و کفر بطنه، حموریه، ثقبه، بیت سوا و مرج بؤلگهلرینه ده هاوا و یئردن سالدیریلار تشکیل ائتمیشدی.
سالدیریلاردا 4 نفر اؤلموشدو.
بئلهلیکله، دونن باشلایان رژیم بومباردمانیندا اؤلنلرین ساییسی 5ه یوکسلیب.
بیرلشمیش میللتلر امنیت شوراسی، شنبه، سوریهیه اینسانی یاردیم چاتدیرماق و خصوصیله رژیم احاطه ائتمهسی آلتیندا اولان شرق غوطهدکی وضعیتی آغیر خسته و یارالیلارین تخلیهسی اوچون ان آز بیر آی اینسانی آتشکس قراری آلدیغینی بیلدیرمیشدی.
قطنامهده سوریه ایچینده اینسانی یاردیملارین اعتبارلی، مانعهسیز و داواملی بیر شکیلده چاتدیریلماسی و وضعیتی آغیر خسته و یارالیلارین آزاد ائدیلمهسی اوچون بوتون طرفلردن گئجیکمهدن موناقیشهلری ان آز 30 گون دایاندیرمالاری طلب ائدیلمیشدی.