ترور قوربانی وطنداش ساییسی آچیقلاندی
اؤلنلر آراسین‌دا ۳۵۹ قادین و ۸۶۱ اوشاق اولدوغو قید ائدیلدی
افغانیستان‌دا گئچن ایلکی سالدیریلاردا تخمیناً ۳ مین ۵۰۰ نفر یاشامینی ایتیردی.
بیرلشمیش میلتلردن وئریلن آچیقلامادا، اؤلنلر آراسین‌دا ۳۵۹ قادین و ۸۶۱ اوشاق اولدوغو دا قید ائدیلدی.
اؤلکه‌نین مختلیف بؤلگه‌لرین‌ده تشکیل اولونان سالدیریلاردا ۷ مین ۱۵ نفرین ده یارالاندیغی بیلدیریلن آچیقلامادا، بونلارین یوزده ۴۲سیندن ترور هؤرگوتو طالبانین، یوزده ۱۰ون‌دان ترور هؤرگوتو داعشین، یوزده ۱۶سین‌دان حکومت گوج‌لرینین، یوزده ۲سیندن خارجی گوجلرین، قالانلارین‌دان دا مختلیف ترور قروپلارینین سوروملو اولدوغو بیلگی‌سی پایلاشیلدی.
آچیقلامادا، پاکیستان سرحد قوشونلاری طرفیندن آتیلان توپ مرمیلری نتیجه‌سین‌ده ۲۳ وطنداشین اؤلدویو ایفاده ائدیلدی.
ان چوخ وطنداش ایتکیسی، کابل باش‌دا اولماقلا فراه، هلمند، کندز و اوروزگان ویلایتلرین‌ده باش وئردی.
ترور هؤرگوتو داعشین دینی مکانلارا تشکیل ائتدیگی سالدیریلاردا ۲۰۱۷ده یوزده ۵۰ آرتیش اولدوغونا ایشاره ائدیلن آچیقلامادا، ترور هؤرگوتلری ایله چیخان چاتیشما‌لارین ایسه یوزده ۱۹ آزالدیغی وورغولاندی.
آچیقلامادا، وطنداش اؤلوملرینده اؤتن ایل ۲۰۱۶یا گؤره یوزده ۷ آرتیش اولدوغونا دقت چکیلدی.
