آمریکانین یئنی فلسطین پلانی
اسراییلله امکداشلیق ائدن موزدلو قاتیل محمد دحلان و یا فلسطین حکومتی اسکی باشباخانی سلام فیاضین آدلاری اؤنه چیخیر
![آمریکانین یئنی فلسطین پلانی](http://cdn.trt.net.tr/images/xlarge/rectangle/d64c/3ea6/b81b/5a45f5072b14a.jpg?time=1719160165)
ایسراییلین کانال ۱۰ تلویزیونو آمریکانین فلسطین یؤنتیمی ایله باغلی یئنی بیر پلانی اولدوغونو ادعا ائتدی.
خبره گؤره، دونالد ترامپ، فلسطین قورتولوش تشکیلاتینین قوروجولاریندان و فلسطین دؤولت باشقانی محمود عباسی دییشدیرمهیه چالیشیر.
آمریکانین بو پلانینین سببینین ایسه سون دؤورلر گرگینلشن واشینگتن- رامالله ایلیشکیسی اولدوغو ایفاده ائدیلیر.
ترامپین قدسو ایسراییلین باشکندی اولاراق تانیما قرارینا موخالیفتی سونراسی آمریکانین محمود عباسلا داها چوخ داوام ائدیلمهیهجگی قرارینا گلدیگی و آغ ائوده، عباسین یئرینه، ایسراییلله امکداشلیق ائدن موزدلو قاتیل محمد دحلان و یا فلسطین حکومتی اسکی باشباخانی سلام فیاضین آدلارینین اؤنه چیخدیغی ادعا ائدیلیر.
عربیستانین ولیهدی محمد بن سلمانین دا عباسی، "آمریکانین یئنی باریش پلانینی قبول ائتمهمهسی دوروموندا یئرینه باشقاسینی گتیرجیی" ایله تهدید ائتدیگی ادعا ائدیلمیشدی.