ایران سرت تپکی وئردی
"ایرانین، هیلی‌نین اساس‌سیز و تحریک ائدیجی ادعاسینا قارشی گوج‌لو اعتراضی سوئیس ائلچیسینه چاتدیریلدی"
تهران رهبرلیگی، آمریکانین بیرلشمیش میللتلر دائمی نماینده‌سی نیکی هیلی‌نین ایرانین یمن‌ده‌کی حوثی میلیسلره سلاح وئره‌رک بیرلشمیش ملتلر قطعنامه‌لرینی پوزدوغو ادعاسینا تپکی گؤستردی.
ایرانین تسنیم خبر آژانسی، هیلی‌نین سورومسوز آچیقلامالارینی قیناماق اوچون آمریکانین ایران‌داکی دیپلوماتیک وظیفه‌لرینی یئریدن سوئیس ائلچیسینین ایران خاریجی ایشلر باخانلیغینا چاغیردیغینی بیلدیردی.
ایران خاریجی ایشلر باخانلیغی سؤزچوسو بهرام قاسمی وئردیگی آچیقلاما‌دا،
"ایرانین، هیلی‌نین اساس‌سیز و تحریک ائدیجی ادعاسینا قارشی گوج‌لو اعتراضی سوئیس ائلچیسینه چاتدیریلدی" دئدی.
هیلی، ۴ نوامبردا یمن‌ده‌کی حوثی میلیسلرینین عربیستانینین باشکندی ریاضا آتدیغی بالیستیک موشکین تهران طرفیندن تامین اولوندوغونو ایر‌لی سورموشدو.
هیلی ادعاسینی ثبوت ائتمک مقصدیله جمعه گونو واشینگتون‌داکی بیر حربی مرکزده ایرانین یمن‌ده‌کی حوثیلره وئردیگینی ایر‌لی سوردویو سلاح و سلاح پارچالارینی سونموشدو.
گؤستریلن‌لر آراسین‌دا ریاضداکی کرال خالد هاوا لیمانینا آتیلان قیسا منزیل‌لی بالیستیک موشکین قالیقلاری، بیر اینسان‌سیز هاوا آراجی و یمن‌ده عربستان طرفیندن یاخالانان بیر آنتی تانک سلاحی دا وار ایدی.
ایران بو ادعانی دا رد ائتمیشدی.
