عرب بیرلیگی: "ترامپین آچیقلادیغی قرار قانونسوزدور"
عرب بیرلیگی خاریجی ایشلر ناظیرلری فیلیسطین و اوردونون چاغیریشی ایله میصرین پایتختی قاهیرهده قودس ایله باغلی فوق العاده ایجلاس کئچیریب
![عرب بیرلیگی: "ترامپین آچیقلادیغی قرار قانونسوزدور"](http://cdn.trt.net.tr/images/xlarge/rectangle/af07/855d/9f71/5a2cd32ddc76f.jpg?time=1719021974)
عرب بیرلیگی خاریجی ایشلر ناظیرلری، آمریکایا، قودسو ایسرائیلین پایتختی کیمی تانیماق قرارینی لغو ائتمهسی چاغیریب.
عرب بیرلیگی خاریجی ایشلر ناظیرلری فیلیسطین و اوردونون چاغیریشی ایله میصرین پایتختی قاهیرهده قودس ایله باغلی فوق العاده ایجلاس کئچیریب.
توپلانتینین آردیندان اولونان 16 مادهلیک یئکون بیاننامهسینده؛
آمریکانین پرزیدنتی دونالد ترامپین آچیقلادیغی قرار قانونسوزدور، اولوسلار آراسی حقوقون و بیرلشمیش میللتلر قرارلارینین تهلوکهلی پوزونتوسودور، حقوقی علاقهلیلیگی یوخدور". قیمتلندیرمهسینده آپاریلیب.
بیاناتدا، واشینگتون رهبرلیگینین اؤزونو ایسرائیل طرفداری بیر نقطهده یئرلشدیردیگی قید ائدیلهرک، باریش پروسهسیندکی واسیطهچیلیک رولوندان اؤزونو ایشدن چیخاردیغی قید ائدیلیب و آمریکان رهبرلیگینه قراری لغو ائتمک چاغیریشی ائدیلیب.
عرب بیرلیگی خاریجی ایشلر ناظیرلری، بیرلشمیش میللتلر امنیت شوراسینا ده مراجعت ائدهرک، واشینگتونون بو آددیمینین حقوقی کنار اولدوغونو بیان ائدن بیر قرار آلماسی لازیم اولدوغونو بیلدیریب.
خاریجی ایشلر ناظیرلری، اولوسلار آراسی جمعیته ده پایتختی شرقی قودس اولان فیلیسطین دولتینی تانیماغا چاغیریب.