سوچی-ده اوچ اولکه‌نین باش قرارگاه رئیسلری گوروشدولر

تورکیه‌نین باش قرارگاه رئیسی ژنرال خلوصی آکار سوچی-ده روسیانین باش قرارگاه رئیسی ژنرال والری گراسیموف و ایرانین باش قرارگاه رئیسی ژنرال محمد باقری ایله اوچ طرف‌لی ییغینجاقدا بیر آرایا گلدی.

گؤروش جمهور باشقانی رجب طیب اردوغان، روسیا پرزیدنتی ولادیمیر پوتین و ایران پرزیدنتی حسن روحانی‌نین ایشتیراکی ایله صاباح سوچی-ده کئچیریله‌جک اوچ طرف‌لی ذیروه ییغینجاغی عرفه سینده باش توتدو.

تورکیه، روسیا و ایرانین باش قرارگاه رئیسلری‌نین کئچیردیگی گؤروش‌دن سونرا روسیا مدافعه ناظیرلیگی آچیقلاما وئردی.

گؤروشده طرف‌لرین سوریه-ده کی موجود وضعیتی موذاکیره ائتدیک‌لری، تروریست قروپ‌لارین محو ائدیلمه‌سی، گرگینلیگین آزالدیلماسی‌نین نظرده توتولدوغو بؤلگه‌لرده تهلوکسیزلیگین تامین ائدیلمه‌سی و سیاسی حل پروسه‌سینه کئچیدی آسان‌لاش‌دیرماق اوچون آتیلا‌جاق آدیم‌لارین اساس چرچیوه‌سی‌نین موذاکیره اولوندوغو بیلدیریلیب.

آچیقلامادا همچنین "ادلیب-ده گرگینلیگین آزالدیلماسی‌نین نظرده توتولدوغو بؤلگه‌ده کووردیناسیونون گوجلندیریلمه‌سی، سوریه-ده کی قالان داعش و النصرا ترور تشکیلاتی منسوب‌لاری‌نین تامامیله اردودان چیخاریلماسی موضوع لاریندا راضی‌لیق الده ائدیلدی." دئییلیب.