لیبرمان‌دان ایران آچیقلاماسی
"ایرانین سوریه و لبناندا گوجلنمه‌سینه ایجازه وئرمه‌یه‌جک‌لرینی"
ایسراییل ساوونما باخانی آویگدور لیبرمان، "ایرانین سوریه و لبناندا گوجلنمه‌سینه ایجازه وئرمه‌یه‌جک‌لرینی" سؤیله‌دی.
لیبرمان، تل آویوده دؤولت گؤره‌ولی‌لری‌نین قاتیلدیغی بیر ییغینجاقدا، "ایسراییل، ایرانین سوریه و لبناندا اولوشدورمایا چالیشدیغی بو یئنی اورتاما تسلیم اولمایا‌جاق" دئدی.
ایرانین سوریه‌ده یئنی بیر رئال‌لیق اورتایا قویماغا چالیشدیغینی قارشییا قویان لیبرمان،
"ایران، اینقیلاب گؤزتچی‌لری واسطه‌سیله سوریه تورپاق‌لاریندا هاوا و دنیز مرکزلری اینشا ائتمه‌یه، شیعه میلیس گوجو ایله ده لبناندا گلیشمیش سلاح‌لار اورتمه‌یه چالیشیر. ایسراییل بون‌لارا سس‌سیز قالمایا‌جاق" دئدی.
ایسراییل باشباخانی بینیامین نتانیاهونون روسیایا گرچکلشدیردیگی سفرده ایران ایله ایلگیلی دیله گتیردیگی "چئکینجه‌لری‌نین(احتراز)" آردیندان لیبرمانین بو آچیقلامالاری دقت چکدی.
نتانیاهو دونن روسیا دؤولت باشقانی ولادیمیر پوتین ایله سوچی شهرینده گرچکلشدیردیگی گؤروشمه‌ده، "ایرانین سوریه‌ده گوجلنمه‌سینی تهدید عنصورو اولاراق گؤردوک‌لرینی" ایفاده ائده‌رک، "ایران، سوریه‌ده‌کی وارلیغینی آرتیرماق اوچون بؤیوک بیر چابا خرجله‌ییر. بو وضعیت ایسراییل، اورتا دوغو و بوتون دونیا اوچون بیر تهلوکه‌دیر" دئمیشدی.
