بمت سوریه-ده بومباردمانا فاصیله وئرمه‌سینی ایسته‌دی
بیرلشمیش میللتلر تشکیلاتی سوریه-نین رقه شهرینده بومباردمانا فاصیله وئرمه‌سی اوچون چاغیریش ائتدی.
بیرلشمیش میللتلر تشکیلاتی سوریه-نین رقه شهرینده بومباردمانا فاصیله وئرمه‌سی اوچون چاغیریش ائتدی.
بمت-نین سوریه عذره خصوصی نماینده‌سی استفان دی میستورانین مشاویری ژان اگلاند رقه شهرینده محاصره آلتیندا اولان 20 مین‌دن آرتیق سیویلین تخلیه‌سی اوچون آمریکانین باشچیلیغین‌داکی کوالیسیون قوه‌لری‌نین داوام ائتدیردیگی بومباردمانا فاصیله وئریلمه‌سی اوچون چاغیریش ائتدی.
اگلاند اولوسلار آراسی سوریه دستک قروپونون ییغینجاغین‌دان سونرا وئردیگی آچیقلامادا سوریه-ده هله ده 11 بؤلگه‌نین محاصره‌ده اولدوغونو و بو بؤلگه‌لرده 540 مین سیویل ین یاشادیغینی بیلدیردی.
"بو بؤلگه‌لرین اکثریتی محاصره‌ده‌دیر. اینسانی یاردیم چات‌دیریلا بیلمیر، سیویل لر آزاد شکیلده حرکت ائده بیلمیرلر"-دئیه اگلاند وورغولاییب.
سوریه-نین قوزینده ترور تشکیلاتی داعش-ین نظارتیندکی رقه شهریندکی 5 محله‌ده 20 مین یاخود داها چوخ سیویل قاچماغا جهد گؤستردیگینی قئید ائدن اگلاند بو اینسان‌لارین وضعیتی باره‌ده سؤیله‌یه‌جک سؤز تاپا بیلمه‌دیگینی دیله گتیردی.
