روحانی کابینهیه 3 قادین علاوه ائتدی
یئنی کابینهده هئچ قادین اولماماسینا دایر تنقیدلردن سونرا کابینهیه 3 قادین علاوه ائدیلدی
ایران پرزیدنتی حسن روحانی، یئنی کابینهده هئچ قادین اولماماسینا دایر تنقیدلردن سونرا کابینهیه 3 قادین علاوه ائتدی.
آمریکانین تهران ائلچیلیگینده 1980.جی ایلده یاشانان گیروو آلما بحرانیندا سؤزچو اولاراق وظیفه آلماسییلا تانینان معصومه ابتکار، قادین ایشلریندن سوروملو پرزیدنت مواوینی اولاراق تعیین ائدیلدی.
لعیا جنیدی ایسه حقوقی ایشلردن مسئول کؤمکچی اولاراق وظیفهیه گتیریلدی.
شهیندخت مولاوردی ده وطنداش حاقلاری اوچون اؤزل مصلحتچی اولاراق سئچیلدی.
بیر اؤنجهکی جمهورباشقانلیغی دؤورونده 3 قادین کؤمکچیسی اولان روحانینین، یئنی کابینهده هله آچیقدا اولان یاردیمجیلیق مقاملارینا کیملری گتیرجیی ایسه بیلینمیر.
روحانی، یئنی کابینه عضولرینین آدلارینی گووئن اویو اوچون مجلیس باشقانلیغینا دونن سونموشدو.
یئنی کابینهده یئنه هئچ بیر قادینا یئر وئریلممهسی اؤلکهدکی اصلاحاتچیلارین تپکیسینی چکمیشدی.