آمریکا باغیمسیزلیق رفراندومونا قارشیدیر
"گوجلو، رفاه ایچینده و اؤزو و قونشولارییلا باریشیق، بیرلشمیش فدرال عراقی دستکلهییریک"
آمریکا پرزیدنتی دونالد ترامپین اولوسلارآراسی داعشله مباریزه کوالیسیونو اؤزل نمایندهسی برت مکگورک، آمریکانین عراق کورد بؤلگهسل یؤنهتیمینین،25 سپتامبردا گئچیریلمهسی پلانلاشدیریلان موستقیللیک رفراندومونا 'کسینلیکله' قارشی اولدوغونو سؤیلهدی.
واشینگتونداکی اؤزل بریفینگده دانیشان مکگورک،
"بیز رفراندومون یاخشی بیر فیکیر اولدوغونو دوشونموروک. بو واختسیز. یاخشی حاضیرلانمامیش. یالنیز، پئشمرگه و عراق امنیت گوجلری ایله تام ایش بیرلیگی ایچینده چاتیشمالارین داعشه قارشی سورمهسی لازیم اولدوغو هویجهدن بحث ائتدیم. بونون (رفراندومون) پتانسیل اولاراق ییخییجی نتیجهلری اولابیلر" دئدی.
مکگورک،
"عراقلی لیدئرلرله بو مؤوضوعدا چوخ آیرینتیلی اولاراق گؤروشوروک. خاریجی ایشلر باخانی (رکس) تیلرسونون سون بیر نئچه گونده بو مؤوضوعدا بیر سیرا اؤنملی تلفن دانیشیقلاری اولدو" دئیه سؤزلرینی داوام ائتدیرن مکگورک، "باخین، بو آندا کورد لیدئرلرینین 25 سپتامبردا ائتمک ایستدیکلرینی آچیقلادیغی بو رفراندوما متمرکز اولدوق. بو آمریکانین کسینلیکله قارشی چیخدیغی بیر شئی" دئدی.
مکگورک،
"عراق حکومتینی دستکلهییریک. بیرلشمیش فدرال عراقی دستکلهییریک. گوجلو، رفاه ایچینده و اؤزو و قونشولارییلا باریشیق، بیرلشمیش فدرال عراقی دستکلهییریک" دئدی.