موصولا قایی‌دان سیویل لرین سایی 253 مین اولدو
عراق-ین کوچ و قاچقین مسئله‌لری عذره ناظیری جاسم محمد الجاف ترور تشکیلاتی داعش-دان آزاد ائدیلن موصول شهر مرکزینه قایی‌دان سیویل لرین سایی‌نین 253 مینه چاتدیغینی بیلدیردی.
عراق-ین کوچ و قاچقین مسئله‌لری عذره ناظیری جاسم محمد الجاف ترور تشکیلاتی داعش-دان آزاد ائدیلن موصول شهر مرکزینه قایی‌دان سیویل لرین سایی‌نین 253 مینه چاتدیغینی بیلدیردی.
ناظیر وئردیگی آچیقلامادا:"موصول-ون داعش-دن آزاد ائدیلمه‌سی عملیاتی‌نین باشلادیغی گون‌دن اعتباراً ائولرینه قایی‌دان کؤچکون‌لرین سایی 253 مینه چاتدی." دئدی.
موصول باشدا اولماقلا، اؤلکه داخیلینده یئرلرین‌دن اولان وطنداش‌لارین قاییتماسی‌نین اؤنون‌دکی مانعه‌لرین قالدیریلماغا چالیشیلدیغینی دیله گتیرن جاسم محمد الجاف آزاد ائدیلمیش اراضی‌لرین یئنی‌دن آبادلاشدیریلماسی و تمل خیدمت‌لرین وئریلمه‌سی اوچون حاضرلیق ایشلری‌نین آپاریلدیغینی بیلدیردی.
ناظیر ژوئن آیی‌نین 30-دا وئردیگی آچیقلامادا موصولون ترور تشکیلاتی داعش-دن خلاص ائدیلمه‌سی عملیاتی زامانی 900 مین وطنداشین ائوینی ترک ائتدیگینی بیلدیرمیشدی.
عراق باش ناظیری حیدر العبادی تخمینن 9 آی داوام ائدن حربی عملیات نتیجه‌سینده ژوئیه‌نین 10-ده موصولون داعش-دان تمیزلندیگینی اعلان ائتمیشدی.
