ایران: ترورون قایناغی سعودی عربیستان
ظریف، داعش و دیگر رادیکال دوشونجهیه صاحب ترور تشکیلاتلارینین ده خالقلاری هدف آلدیقلارینی ایفاده ائتدی
![ایران: ترورون قایناغی سعودی عربیستان](http://cdn.trt.net.tr/images/xlarge/rectangle/587f/9400/8693/588dce3e80bd3.jpg?time=1719080218)
ایران خاریجی ایشلر ناظیری محمد جواد ظریف، "1998-جی بو یانا، بین الخالق ترورون تخمینن یوزده 94ونون مسئولونون سعودی عربیستانی" اولدوغونو سؤیلهدی.
ظریف، آمریکان پی.بی. اس کانالینا وئردیگی موصاحیبهده، واهابیلیغین، عربیستانینین رسمی ایدئولوژیسی اولدوغونو ایفاده ائدهرک،
' سعودی رژیمی پترول- دولارلارلا دونیادا رادیکالیزمین یاییلماسینا سبب اولموشدور ' دئدی.
ایرانلی ناظیر، آمریکا اکیز کولهلرین هدف آلیندیغی 11 سپتامبر 2001 سالدیریسینین دا واهابیلیکدن قایناقلانان آشیریلیلیق طرفدارلارینین حرکتی اولدوغونو ادعا ائدهرک، دونیادا ترورون بو ایدئولوژییه منسوب شخصلر آرتدیغینی ادعا ائتدی.
ظریف، داعش و دیگر رادیکال دوشونجهیه صاحب ترور تشکیلاتلارینین ده خالقلاری هدف آلدیقلارینی ایفاده ائتدی.
آمریکا اوچون هانسی اؤلکهنین ترورا دستک وئردیگینین اهمیتلی اولمادیغینی ادعا ائدن ظریف، آمریکا اوچون اهمیتلی اولانین سیلاح ساتماق اولدوغونو سؤیلهدی.
ایران خاریجی ایشلر ناظیری، آمریکا پرزیدنتی دونالد ترامپین سعودی عربیستانینا می آییندا ائتدیگی سفره ده توخوناراق؛
' ترامپ، سیلاح ساتیش راضیلاشماسی حاضیرلانمادان عربیستانینا گیتمزدی' دئدی.
ترامپین سعودی عربیستانی زیارتینده، ایکی اؤلکه، 110 میلیارد دولارلیق سیلاح ساتیش راضیلاشماسی ایمضالامیشدی.