قطره یئنی ایستک لیسته‌سی
دؤرد اؤلکه، دوحه رهبرلیگی‌نین قرارلی و تأثیرلی سیاستی سونراسی دوشدوک‌لری چتین وضعیت‌دن قورتولمانین چاره‌سینی آختاریر
5 ژوئن تاریخین‌دن بو یانا قطره تحریم باشلایان بیرلشیک عرب امیرلیک‌لری، بحرین، سعودی عربیستانی و میصر چتین وضعیتده.
دؤرد اؤلکه، دوحه رهبرلیگی‌نین قرارلی و تأثیرلی سیاستی سونراسی دوشدوک‌لری چتین وضعیت‌دن قورتولمانین چاره‌سینی آختاریر.
تحریمچی دؤرد اؤلکه‌نین داها اوّل تقدیم ائتدیک‌لری 13 ماده‌لیک لیسته‌سی قطر طرفیندن رد ائدیلمیش، بونون اوزرینه باغلی اؤلکه‌لر "رادیکال‌چیلیقلا موباریزه" چرچیوه‌لی 6 ماده‌لیک "قانون‌لار" لیسته‌سینی قطره تقدیم ائتمیشدی.
قطر سؤز موضوعسو لیسته‌سینی ده گئری چئویرمیشدی.
قطرین قرارلی دوروشو سونراسیندا سعودی عربیستانی‌نین بیرلشیک میللتلر سفیری عبدالله المعلمی، 4 اؤلکه آدینا آچیقلاما وئره‌رک، قطرین آلتی ماده‌لیک یئنی "پرنسیپ لیسته‌سی"نی قبول ائتمک موضوعسوندا چتین‌لیک یاشامایاجاغینی دوشوندوگونو ایفاده ائتدی.
دؤرد اؤلکه‌نین خاریجی ایشلر ناظیرلری طرفیندن 5 ژوئیه‌ده تشکیل ائدیلن توپلانتیدا آلینان "6 قرارا" قطرین ده اویماسی لازیم اولدوغونو سؤیله‌ین المعلمی، ترورلا موباریزه و نفرت
ایفاده‌سی کیمی سالدیریلاری ایچه‌رن بو قرارلارا رعایت ائتمیین آسان اولاجاغینی ادعا ائتدی. سعود سفیر، الجزیره‌نین باغلانیلماسی‌نین لازیم‌لی اولمادیغینی دا یئنیله‌یه‌رک، "اساس اولان قانون‌لار اوزرینده آنلاشمامیز" ایفاده‌سیله، دؤرد اؤلکه‌نین قطره ایستیقامت‌لی توتوموندا دییشمه سیگنا‌لی وئردی. کؤرفزدکی بحران، 5 ژوئیه‌ده، سعودی عربیستانی، میصر، بیرلشیک عرب امیرلیک‌لری و بحرین رهبرلیک‌لری‌نین، ترورا دستک وئردیگینی قارشییا قویدوق‌لاری قطر ایله بوتون دیپلوماتیک علاقه‌لرینی کسمه‌لریله باشلامیشدی. قطره محاصیره ایجرا ائدن 4 اؤلکه، علاقه‌لرین دوزلدیلمه‌سی اوچون دوحه رهبرلیگینه "تورکیه‌نین قطردکی نیظامی بازاسی‌نین باغلانیلماسی، ایران ایله علاقه‌لرین کسیلمه‌سی و الجزیره تلویزیونونون باغلانیلماسی" کیمی شرط‌لرین اولدوغو 13 ماده‌لیک بیر طلب لیسته‌سی تقدیم ائتمیش، دوحه رهبرلیگی ایسه بین الخالق حقوقا ضد هئچ بیر طلبین قبول ائدیلمیه‌جگینی آچیقلامیشدی.
