عراقدا ترور تشکیلاتی داعشین ایشکنجه سی داوام ائدیر
عراق اینسان حاقلاری گؤزلم ائوی طرفیندن ائدیلن یازیلی آچیقلامادا، شرقات، موصولون غرب یاخاسینداکی اینسانی فلاکته بنزر بیر وضعیتین یاشانا بیلهجگی خبردارلیغینی بولونولدو
![عراقدا ترور تشکیلاتی داعشین ایشکنجه سی داوام ائدیر](http://cdn.trt.net.tr/images/xlarge/rectangle/a2f1/f08a/599a/59357cce8bd0f.jpg?time=1719100053)
27
عراقین صلاالدین اوستانینا باغلی الشرقات شهرستانیندا ترور تشکیلاتی داعش، سیویللری محاصیره آلتیندا توتاراق، حکومت گوجلریله باغلانتی قوردوغوندان شوبههلندیکلرینی ده ایشگنجه ائدیر.
عراق اینسان حاقلاری گؤزلم ائوی طرفیندن ائدیلن یازیلی آچیقلامادا، شرقات، موصولون غرب یاخاسینداکی اینسانی فلاکته بنزر بیر وضعیتین یاشانا بیلهجگی خبردارلیغینی بولونولدو.
"تشکیلات، محلدکی وطنداشلارین خستهلیک وضعیتینده بئله بیر-بیرینه کؤمک ائتمهسینه ایجازه وئرمیر. وطنداشلار آجلیقدان قیریلیر. 20 مین وطنداش اؤلوم تهلوکهسیله قارشی-قارشییا." ایفادهلرینه یئر وئریلن آچیقلامادا، شرقاتین شرق یاخاسیندا 40 کند ایله شهرستان مرکزینین یاریسینین هله ده ترور تشکیلاتی داعشین ایدارهسینده اولدوغو قید ائدیلدی.
آچیقلامادا آیریجا، عراق حکومتی ایله بین الخالق تشکیلاتلارا، شرقاتین شرق یاخاسینداکی اینسانی فلاکته قارشی عاجیل تدبیر آلما و محاصیرهنین قالدیریلماسی اوچون ایش چاغیریشی ائدیلدی.
اوکتوبر آییندا، موصولون داعشدن قورتاریلماسی عملیاتی باشلامازدان اوّل عراق گوجلری شرقاتین غرب یاخاسیندا کونترولو تامین ائتمیش آنجاق شرق یاخاسی ترور تشکیلاتینین الینده قالمیشدی.