جواد ظریف آمریکادا دانیشدی
"بیر بیریمیزله ساواشماق مجبوریتینده دئییلیک، ساواشماق لازیم دئییل. اورتادوغودا بیر بیریمیزی دیشلامامیز لازیم دئییل"
ایران خاریجی ایشلری باخانی جواد ظریف، اورتادوغو‌داکی گلیشمه‌لره باغلی دانیشدی.
آمریکا نیویورک مرکزلی دوشونجه قورولوشو خاریجی ایلیشکیلر شوراسیندا دانیشان ظریف، اؤلکه‌سی ایله عربیستان آراسین‌داکی گرگین‌لییه باغلی،
"بیر بیریمیزله ساواشماق مجبوریتینده دئییلیک، ساواشماق لازیم دئییل. اورتادوغودا بیر بیریمیزی دیشلامامیز لازیم دئییل" دئدی.
یمن‌دکی ساواشین ایران و عربیستان آراسیندا بیرباشا بیر چاتیشمانی باشلاتماماسینی آرزو ائدن ظریف،
"یمنده، سوریه‌ده آنلاشماساق دا بحران‌لارا سون وئرمک اوچون بیرلیکده چالیشابیلریک" دئیه دانیشدی.
آمریکا پرزیدنتی دونالد ترامپین تنقید ائتدیگی نوکلئر آنلاشمایا دا توخونان جواد ظریف، ایرانین بو مؤوضوعدا جدی اولدوغونو و مسئولیت‌لرینی یئرینه یئتیردیگینی سؤیله‌دی.
ایرانین، ترامپ رهبرلیگین‌دن نوکلئر آنلاشمایا باغلی ضدیت‌لی سیگنال‌لار آلدیغینا دقت چکن ظریف، آمریکالی قونومداشی رکس تیلرسون ایله بو مؤوضوعدا گؤروشمه‌دیکلرینی آنجاق دیالوگا هر زامان آچیق اولدوق‌لارینی ایفاده ائتدی.
ظریف، بو وضعیتین اؤلکه‌سینده آمریکانین ایرانا قارشی دوشمن‌لیگی‌نین هئچ بیر زامان سونا چاتمایاجاغی ایزله‌نیمی یاراتدیغینی آنجاق بونون دوزلدیله‌بیله‌جگینی سؤزلرینه علاوه ائتدی.
جواد ظریف، سی‌ان‌ان تلویزیونونا وئردیگی مصاحیبه‌ده ایسه ایران ایله ایمضا‌لانان نوکلئر آنلاشمانین تطبیق اولونماسی قونوسوندا آمریکانی اوزرینه دوشن سوروملولوقلاری یئرینه یئتیرمکده باشاری‌سیز اولماقلا ائلشدیردی و ترامپ یؤنه‌تیمینی اولوسلارآراسی نوکلئر آنلاشمانی پوزماقلا سوچلادی.
باخان ظریف، نیویورک‌دا بیرلشمیش میلت‌لر تشکیلاتی‌نین باش کاتیبی آنتونیو گوترشله ده بیر آرایا گلدی.
