آمریکا، قطر ایله آنلاشما ایمضالادی

آمریکا، قطر ایله ترورلا مباریزه آنلاشماسی ایمضالادی.

کؤرفز و عرب اؤلکه‌لری‌نین تروریزمی دستکلدیگی ادعاسییلا قطره تحریم قویدوغو دؤورده ایمضا‌لانان آنلاشمانی آمریکا خاریجی ایشلر باخانی رکس تیلرسون ایله قطرلی قونومداشی شیخ محمد بن عبدالرحمان آل ثانی اورتاق مطبوعات کونفرانسیندا بیلدیردی.

تیلرسونون اوست سویه مشاوری ر.هاموند دا، 'ترورلا و مالی قایناغی ایله مبارزه' قونولو آنلاشما حاقیندا ژورنالیست‌لره آچیقلاماسیندا، آنلاشمانی اؤنه دوغرو آتیلان اومود وئریجی بیر آددیم اولا‌راق دگرلندیردی.

هاموند،

"قطر و آمریکا، ترورلا ساواشینی گوجلندیرمه‌سی و ترورو دستکلمه مسئله‌لرینی فعال شکیلده اله آلماسی قونوسوندا قطرین گله‌جکده اورتایا قویابیله‌جگی چابا‌لاری تعیین ائدن بیر آنلاشما  ایمضالادی" دئدی.

آنلاشما ایله قطر، "ترور و ترورون مالیه‌لشدیریلمه‌سی ایله مباریزه قونوسوندا آمریکا ایله اورتاق آنلاییش ایچینده اولاجاغینی تعهد ائتمیش" اولدو.