4 اؤلگه قطره قارشی بیلدیری یایینلادی
واشینگتون و دوحه رهبرلیکلرینین ترورا قارشی موباریزه اوچون دونن واردیقلاری راضیلاشما، کؤرفزدکی گرگینلیگی گیدرمهدی
![4 اؤلگه قطره قارشی بیلدیری یایینلادی](http://cdn.trt.net.tr/images/xlarge/rectangle/ea18/56cf/2061/57f8a407418a3.jpg?time=1719166902)
واشینگتون و دوحه رهبرلیکلرینین ترورا قارشی موباریزه اوچون دونن واردیقلاری راضیلاشما، کؤرفزدکی گرگینلیگی گیدرمهدی.
سعودیه عربیستانی، میصر، بیرلشیک عرب امیرلیکلری و بحرین طرفیندن نشر اولونان اورتاق قطر بیلدیریشلرینده
"قطر اورقانلاری ترورلا موباریزه ایله بؤلگهده امنیت و ثابیتلیگین تامین ائدیلمهسینی ایچهرن عدالتلی ایستکلریمیزین هامیسینی یئرینه گلینجهیه قدر، حال-حاضیرداکی تطبیقلریمیز داوام ائدهجک" دئییلدی.
قطر ایله آمریکا آراسیندا تروریزمین فینانسمانینین قارشیسینی ایستیقامتلی دونن ایمضالانان راضیلاشما سندی، 4 اؤلکهنین اوزون زاماندیر قطردن 'ترورا دستگینی کسمسی چرچیوهسینده دفعهلرله بیلدیردیگی طلب و باسقیلارینین بیر نتیجهسی اولدوغو ایفاده ائدیلن معلوماتدا،
"بو آددیم غیری-کافی. قطر مقاملارینین ترورون دستکلنمهسی، بونا قوجاق آچیلماسی و مالیهیه ائدیلمسیله موباریزهدکی جیدیلیگی یاخیندان ایزلنیلهجک" قیمتلندیرمهسی ائدیلدی.
معلوماتدا، دوحه رهبرلیگینین 'ترورو دستکلدیگی، مالیهیه ائتدیگی، ایفراط یانلیلارینا قوجاق آچدیغی، نیفرت ایفادهسینی یایقینلاشدیردیغی و دیگر اؤلکهلرینین ایچ ایشلرینه موداخیله ائتدیگی ادعا ائدیلدی. قطر علیهیندکی تطبیقلرین بو سببلره سؤیکندیگی ایفاده ائدیلن معلوماتدا، دوحه رهبرلیگینین بونا تام مناسییلا سون وئرمهسی و عدالتلی، قانونی طلبلری یئرینه یئتیرمهسی لازیم اولدوغونا توخونولوب.
معلوماتدا، 4 اؤلکهنین قطر تحریم تطبیقینه گؤستردیگی سببلرین یانیندا بو اؤلکهنین 'جیددیلیگینی تصدیقلهیهجک محکم بیر یوخلاما اولمادان موجود سیاستینه باغلی اولاراق وئرجگی اؤهدهلیکلره گووئنیلمیهجگی قید ائدیلدی.
کؤرفزدکی بحران، 5 ژوئنده، سعودی عربیستانی، میصر، به و بحرین رهبرلیکلرینین قطر ایله بوتون دیپلوماتیک علاقهلرینی کسملریله باشلامیشدی.
قطر محاصیره تطبیق 4 اؤلکه، علاقهلرین دوزلدیلمهسی اوچون دوحه رهبرلیگینه "تورکیهنین قطردکی نیظامی پایگاهینین باغلانیلماسی، ایران ایله علاقهلرین کسیلمهسی و الجزیره تلویزیونون باغلانیلماسی" کیمی شرطلرین اولدوغو 13 مادهلیک بیر طلب سیاهیسی تقدیم ائتمیش، دوحه رهبرلیگی ایسه بین الخالق حقوقا ضد هئچ بیر طلبین قبول ائدیلمیهجگینی آچیقلامیشدی.