ان آز 173 وطنداش اؤلدو
"وطنداش‌لار سرعت‌لی بیر حربی ظفر اوغروندا فدا ائدیلممه‌لی‌دیر"
بیرلشمیش میلت‌لر تشکیلاتی‌نین، آمریکا لیدئرلیگین‌دکی اولوسلارآراسی کوالیسیونون 1 ژوئن‌دن بو یانا سوریه‌نین رقه شهرینه تشکیل ائتدیگی هاوا و قورو سالدیریلاردا ان آز 173 وطنداشین حیاتینی ایتیردیگینی بیلدیردی.
بیرلشمیش میلت‌لر اینسان حاق‌لاری یوکسک کمیسری زید رعد الحسین یازیلی آچیقلاماسیبندا، رقه‌ده کوالیسیون گوجلری‌نین قورو سالدیریلاری‌نین آرتدیغینا و بونون نتیجه‌سینده 100 مینه یاخین وطنداشین آغیر دوروما دوشدوگونه دقت چکدی.
رقه‌ده‌کی وطنداش‌لارین ایچینده اولدوغو وضعیت‌دن درین راحاتسیز‌لیق دویدوغونو ایفاده ائدن حسین، بوتون طرف‌لری رقه‌ده‌کی وطنداش‌لارین حیاتینی ریسکه آتمامایا دعوت ائتدی.
حسین،
"وطنداش‌لار سرعت‌لی بیر حربی ظفر اوغروندا فدا ائدیلممه‌لی‌دیر" دئدی.
بیرلشمیش میلت‌لر باش کاتیبی آنتونیو گوترس 21 ژوئنده، رقه‌نین ترور هؤرگوتو داعشین الین‌دن آلینماسی اوچون حیاتا گئچیریلن عملیات‌لاردا وطنداش‌لارین و آلت یاپینین قورونماسینا چاغیرمیشدی.
