کویت امیری:"بحرانین رمضان آییندا حل اولونماسینی اومید ائدیرم"
کویت امیری صباح احمد جابر الصباح کؤرفز اؤلکهلری آراسینداکی "کدرلی ضدیتلرین" رمضان آییندا حله قوووشدورولماسینا اومید ائتدیگینی بیلدیردی.
کویت امیری شیخ صباح احمد جابر الصباح کؤرفز اؤلکهلری آراسینداکی "کدرلی ضدیتلرین" رمضان آییندا حله قوووشدورولماسینا اومید ائتدیگینی بیلدیردی.
احمد جابر الصباح کویت دؤولت تلویزیویوندا یاییملانان مراجعتینده دئدی کی، بو فضیلتلی آیدا و موبارک گئجهلرده کؤرفزده یاشانان پروبلئملرین، کدرلی ضدیتلرین دیالوگ واسطهسیله حلینه اومید ائدیریک.
کؤرفز اؤلکهلری آراسینداکی تاریخی علاقهلره، صمیمی عائله علاقهلرینه و اورتاق منفتلره دقت چکن صباح بو چرچیوهده خالقین اومید و گؤزلنتیلرینین گئرچکلشمهسی و وفالی علاقهلرین قورونماسی اوچون واجیب اولان جهدی گؤسترهجکلرینی ایفاده ائتدی.
الصباح آیریجا ترور تهدیدیندن خبردار اولان کویت-ین ترورون هر نؤوو ایله موباریزه اوچون اولوسلار آراسی ایجتیمایتله دایانیشما ایچینده اولدوغونو و ترورون دایاق گؤتوردوگو منبعلری کسمک اوچون جهد گؤستردیگینی ده سؤیلهدی.