کؤرفزده بؤیوک گرگینلیک
سعودی عربیستانی، میصر، بیرلیک عرب امیرلیکلری، بحرین و یمن، قطر اولان بوتون دیپلوماتیک ایرتیباطلارینی کسدی
![کؤرفزده بؤیوک گرگینلیک](http://cdn.trt.net.tr/images/xlarge/rectangle/79a5/e53b/0950/580d8feda0570.jpg?time=1719035340)
کؤرفزده بؤیوک گرگینلیک
سعودی عربیستانی، میصر، بیرلیک عرب امیرلیکلری، بحرین و یمن، قطر اولان بوتون دیپلوماتیک ایرتیباطلارینی کسدی.
بو اؤلکهلر، قطرله اولان دنیز و هاوا مرزلری ده باغلادی.
سعودی عربیستانی خاریجی ایشلر ناظیرلیگی، "اؤلکهنین میللی امنیتی اوچون" آلینان قرار اوچون؛
"دوحهنین آچیق و گیزلی رئاللاشدیردیغی جیدی پوزونتولار، ترور تشکیلاتلارینی ساخلایاراق ترورا دستک وئرمهسی، مطبوعات یایین اورقانلاریندا ترور تشکیلاتلارینین تبلیغاتینی ائتمهسی، کاتیف اوستانینداکی ایران علاقهلی ترور حرکتلرینی دستکلمهسی، حدی آشانلارین ساخلاماسی، یمندکی حوثی ساواشچیلاری دستکلمهسی سونراسیندا، آلینماق وضعیتینده قالیندیغی" ایفاده ائدیلدی .
آچیقلامادا، سعودی عربیستانی وطنداشلارینین قطره سیاحتی و اؤلکهده داواملی ایجلاسی ایله قطرلی وطنداشلارین سعودی عربیستانینا گئتمهسی و و ترانزیت هاوا لیمانلارینی ایستیفاده قاداغان ائدیلدیگی قید ائدیلدی.
سعودی عربیستانیندا اولان قطر وطنداشلارینین امنیت سببیله 14 گونده اؤلکهنی ترک ائتمهسی لازیم اولدوغو وورغولانان آچیقلامادا، علاقهلرین کسیلمهسی عملیاتیندان حج و عمره ائدهجک قطرلیلر ائتکیلمیهجگی آچیقلاندی.
بیرلشیک عرب امیرلیکلری رسمی خبر آژانسی عنادا یاییلانان خاریجی ایشلر ناظیرلیگی آچیقلاماسیندا دا، قطر ایله بوتون دیپلوماتیک ایرتیباطلاری کسدیگی، اؤلکهده اولان قطرلی دیپلوماتلارین 48 ساعت ایچینده، قطر وطنداشلارینین دا 14 گون ایچینده اؤلکهی ترک ائتمهسی لازیم اولدوغو، بیرلیک عرب امیرلیکلری وطنداشلارینین دا قطره سیاحتینین قاداغان ائدیلدیگی بیلدیریلدی.
میصر خاریجی ایشلر ناظیرلیگی ده "دوشمنجه موضعلری" سببیله میصرین قطر ایله دیپلوماتیک علاقهلرینی کسدیگینی بیلدیردی.
میصر خاریجی ایشلر ناظیرلیگیندن ائدیلن یازیلی آچیقلامادا، قطرین "القاعده و داعش فیکرینی یایدیغی، سینا یاریماداسینداکی ترور تشکیلاتلارینی دستکلدیگی، همچینین میصر و دیگر عرب اؤلکهلرینین ایچ ایشلرینه قاریشدیغی" ایفادهسی ایستیفاده ائدیلدی.
بحرین خاریجی ایشلر ناظیرلیگی ایسه اؤلکهنین امنیتی اوچون بحرینین قطر ایله بوتون دیپلوماتیک علاقهلرینی کسدیگینی بیلدیریب. بحرین خاریجی ایشلر ناظیرلیگی اینترنت سایتیندا یایینلانان آچیقلامادا، بحرینین دوحهدکی دیپلوماتیک میسیونرلرینی گئری چاغیردیغی و قطر دیپلوماتلارینا دا اؤلکهنی ترک ائتمهلری اوچون 48 ساعت مدت تانیندیغی بیلدیریلیر.
بو آرادا، قطرین سعودی عربیستانی لیدرلیگینده یمنده حوثیلره قارشی یارادیلان بین الخالق کوالیسیونداکی رولونون سونا چاتدیغی بیلدیریلدی.سعودی عربیستانینین رسمی خبر آژانسی ایسپادا نشر اولونان کوالیسیون قوموتانی آچیقلاماسیندا، بین الخالق کوالیسیونون، "یمنده تروریزمی گوجلندیرمهسی و چئوریلیشچیلردن ایکیسی میلیتانلارلا علاقهلریندن اؤتورو "قطرین کوالیسیوندان چیخاریلماسینا قرار وئردیگی قید ائدیلدی.
4 اؤلکهنین قطر دیپلوماتیک ایرتیباطلارینی کسمهسینین سونرا، یمن ده قیسا مدت اوّل اوخشار بیر آددیم آتدی.
یمن، قطرین بین الخالق کوالیسیوندان چیخاریلماسی قرارینی دا دستکلدیگینی ایفاده ائتدی.
قطردن موضوعیلا باغلی ایلک آچیقلاماسی خاریجی ایشلر ناظیری شیخ محمد بن عبدالرحمن آل ثانی ائتدی.
آل ثانی "حاقسیز شکیلده آلینمیش بو قراردان کدر دویدوقلارینی" ایفاده ائتدی.
آمریکا خاریجی ایشلر ناظیری رکس تیلرسون ایسه، طرفلره دیالوق چاغیریسی ائدهرک؛
"طرفلرین فرقلیلیکلرینی دانیشماسینی دستکلییریک" دئدی.
تیلرسون. کؤرفز امکداشلیق شوراسینین داغیلماماسی لازیم اولدوغونو ده قید ائتدی.
قطر جیزگی خبر آژانسی (QNA)، 23 می گئجهسی قطر امری شیخ تمیم بن حمد آل ثانیده عایید ائدیلن "آمریکایا قارشی و ایرانی دستکلهییجی" آچیقلامالار نشر ائتمیشدی. آچیقلامالار قیسا مدت ایچینده مئدیادا گئنیش شکیلده یئر آلمیشدی.
بوندان بیر نئچه ساعت سونرا آچیقلاما ائدن قطر حکومتی ایرتیباط دایرهسی دیرکتورو شیخ سیف بن احمد آل ثانی، قنا سایتینین سایبر سالدیریسینا اوغرادیغینی بیلدیرمیشدی. قطر خاریجی ایشلر ناظیرلیگینین آچیقلاماسیندا دا قنانین سایبر سالدیریسینا اوغرادیغی و یایینلانان خبرلرین حقیقتی عکس ائتدیرمدیگی، مئدیا اورقانلاریندان بو آچیقلامالاری نظره آلمالامالاری طلب ائدیلمیشدی.
قطردن گلن آچیقلامالارا باخمایاراق بیرلشیک عرب امیرلیکلری و سعودی عربیستانی مطبوعاتیندا آل ثانییه عایید ائدیلن آچیقلامالار ایستیفاده ائدیلمهیه داوام ائتمیشدی. قطر خاریجی ایشلر ناظیری شیخ محمد بن عبدالحمن آل ثانی ایسه 25 میده تشکیل ائتدیگی مطبوعات کونفرانسیندا، مئدیا اوزریندن اؤلکهسینی هدف آلان بیر کامپانیا اولدوغونو ایفاده ائدهرک، "موضوعیلا باغلی سوروشدورما داوام ائدیر آنجاق بورادا قطری هدف آلان بیر کامپانیا اولدوغو آچیق و بیز ده بونا قارشی قویاجاغیق. " دئمیشدی.
بحرین، سعودی عربیستانی و بیرلشیک عرب امیرلیکلری 2014-جی ایلده ده، قطرین ایچ ایشلرینه قاریشماق ایله گوناهلاندیراراق دیپلوماتیک علاقهلری کسمیشدی.