روسیا داعشی ووردو
پالمیرانین دوغوسوندا اولان هدف‌لر آراسیندا رقه‌یه گؤندریلن چوخ ساییدا تروریست ایله آغیر قورغولار واردی
742785
روسیا، آغ دنیز‌دن، سوریه‌نین پالمیرا بؤلگه‌سینده داعش هدف‌لرینی ووردو.
روسیا ساوونما باخانلیغین‌دان وئریلن آچیقلامایا گؤره، آغ دنیز‌دکی روس دونانماسینا عاید آدمیرال اسن گمی‌سی و کراسنودار سوآلتی قاییغی، کالیبر کروز موشکلریله پالمیرا بؤلگه‌سین‌دکی داعش هدف‌لرینی ووردو.
آچیقلامادا، بونونلا ایلگیلی تورکیه، آمریکا و ایسراییل اوردولارینا بیلگی وئریلدیگی ایفاده ائدیلدی.
آچیقلامایا گؤره، پالمیرانین دوغوسوندا اولان هدف‌لر آراسیندا رقه‌یه گؤندریلن چوخ ساییدا تروریست ایله آغیر قورغولار واردی.
کرملین سؤزچوسو دمیتری پئسکوو دا، روسیا ساوونما باخانی سرگئی شویگونون، دؤولت باشقانی ولادیمیر پوتینه پالمیراداکی باشاری‌لی عملیات حاقیندا بیلگی وئردیگینی سؤیله‌دی.
پئسکوو، آیریجا، عملیاتین دونن گئجه ساعات‌لاریندا گرچکشدیریلدیگینی ایفاده ائتدی.
