آمریکا، پ‌کاکایا سلاح و تجهیزات گؤندردی
"سوریه دموکراتیک گوج‌لری‌نین کورد عنصورلارینا کیچیک سلاح، مهمات و آراج گؤندردیگمیزی تایید ائدیرم"
واشنگتن یؤنه‌تیمی، ترور هؤرگوتو داعشه قارشی مباریزه‌سینی ترور هؤرگوتو پ‌کاکا ایله داوام ائتدیرمکده قرارلی گؤرونور.
آمریکا ساوونما باخانلیغی (پنتاگون)، بؤلوجو ترور هؤرگوتو پ‌کاکانین سوریه‌ده‌کی قولو پ.ی.د/ی.پ.گ‌یه کیچیک سلاح، مهمات و آراج گؤندردیک‌لرینی آچیقلادی.
پنتاگون سؤزچولرین‌دن مین باشی آدریان رانکین گالووئی،
"سوریه دموکراتیک گوج‌لری‌نین کورد عنصورلارینا کیچیک سلاح، مهمات و آراج گؤندردیگمیزی تایید ائدیرم" دئدی.
مین باشی، سلاح‌لارین تیپ‌لری، مهمات و آراجلارین میقدار و ساییلاری ایله ایلگیلی بیلگیلری ایسه پایلاشماق ایستمه‌دی.
دونالد ترامپ بو آیین باشیندا پنتاگونا رقه عملیاتی چرچیوه‌سینده پ.ی.د/پ‌کاکایا سلاح و تجهیزات وئرمه‌سی تعلیماتینی وئرمیشدی.
پنتاگون‌دان داها اؤنجه وئریلن آچیقلامادا، سؤز قونوسو سلاح و تجهیزاتی، کیچیک سلاح‌لار، زره‌لی و بومبا یوک‌لو آراجلارلا مقابله ائده‌جک سلاح سیستم‌لری، زیره‌لی آراجلار، رابطه و لجستیک دستک اولاراق تانیملامیشدی.
بو آرادا، آمریکانین داعش ایله مباریزه اؤزل نماینده‌سی برت مک‌گورک، رقه عملیاتی‌نین یاخیندا باشلایاجاغینی سؤیله‌دی.
رقه‌یه 2 کیلومتر یاخینلاشدیق‌لارینی ایفاده ائدن مک‌گورک، داعشین 4 مربع کیلومترلیک بیر ساحه‌یه حبس ائدیلدیگینی ایفاده ائتدی.
