سوریه دانیشیقلارینین 7. تورو گلهجک آی ائدیله جک
دی میستورا، بیرلشمیش میللتلر تشکیلاتی امنیت شوراسینداکی سوریه موضوعلو توپلانتییا ویدئو-کونفرانس واسطهسیله قاتیلاراق، شورا عضولرینه ژنو باریش دانیشیقلارینین سون تورو حاقیندا معلومات وئردی
بیرلشمیش میللتلر تشکیلاتینین سوریه اؤزل نمایندهسی استفان دی میستورا، سوئیسین ژنو شهرینده کئچیریلن سوریه دانیشیقلارینین 7. تورونون گلهجک آی ائدیلمسینینین پلانلاشدیریلدیغینی ایفاده ائتدی.
دی میستورا، بیرلشمیش میللتلر تشکیلاتی امنیت شوراسینداکی سوریه موضوعلو توپلانتییا ویدئو-کونفرانس واسطهسیله قاتیلاراق، شورا عضولرینه ژنو باریش دانیشیقلارینین سون تورو حاقیندا معلومات وئردی.
سوریهده چاتیشماسیزلیک بؤلگهلری یارادیلماسینا دایر آی باشیندا قزاقیستانین باشکندی آستانادا الده ائدیلن راضیلاشمایا باخمایاراق، حما، حمص و شامدان رژیم گوجلری و سیلاحلی مخالیف قروپلار آراسیندا چاتیشما یاشاندیغی خبرلری گلدیگینه دقتی چکن دی میستورا، رژیم گوجلرینین حمص و سووئیدادا ترور تشکیلاتی داعش ایله ساواشان مخالیف قروپلارا ایستیقامتلی سالدیریلار تشکیل ائتدیگینی قید ائتدی.
دی میستورا، طرفلرین، آرالارینداکی بؤیوک فیکیر آیریلیقلارینین داوام ائتمهسینه باخمایاراق، دانیشیقلارین یئنی دؤورو اوچون ماسایا دؤنمهیه حاضیر اولدوغونو ایفاده ائتدی.
سون توردا یئنی بیر آنایاسانین تملینی آتماق اوچون متخصصلردن عبارت توپلانتی سورهجینین ده باشلادیلدیغینی ایفاده ائدن دی میستورا، بیرلشمیش میللتلر تشکیلاتینین یئنی بیر آنایاسا حاضیرلیغی ایچینده اولمادیغینی، سوریهلیلر اؤز آنایاساسینی ائتمهسینه زمین حاضیرلادیغینی ایفاده ائتدی.