موصول-دا 10 عسگر و 25 سیویل اؤلدو
عراق-ین موصول شهرینین باتی سیندا، ترور تشکیلاتی داعش طرفیندن تشکیل ائدیلن انتحار هوجوملاریندا 10 عسگر، تشکیلاتی هدف گؤتورن هاوا هوجوموندا ایسه 25 وطنداش حیاتینی ایتیردی.
![موصول-دا 10 عسگر و 25 سیویل اؤلدو](http://cdn.trt.net.tr/images/xlarge/rectangle/97f5/c7a7/0674/591c4666485f8.jpg?time=1719011098)
عراق-ین موصول شهرینین باتی سیندا، ترور تشکیلاتی داعش طرفیندن تشکیل ائدیلن انتحار هوجوملاریندا 10 عسگر، تشکیلاتی هدف گؤتورن هاوا هوجوموندا ایسه 25 وطنداش حیاتینی ایتیردی.
عراق-ین فدرال پولیس قوهسینده اولان ضابیط عدی عبد الوهاب الساعدی شهرین قوزیی باتی سینداکی الرفاعی بؤلگهسینده اولان ترورلا موباریزه بیرلیگی قوهلرینین بیر انتحار سالدیریسینین ایستیفاده ائتدیگی ماشین ایله هدف گؤتورولدوگو هوجومدا 3 عسگرین حیاتینی ایتیردیگینی بیلدیردی.
شهرین باتی سیندا العریبی بؤلگهسینده ده ترورلا موباریزه بیرلیگی و فدرال پولیس قوهسینه بومبا یوکلو ایکی ماشین ایله هوجوم تشکیل ائدیلدیگینی ایفاده ائدن الساعدی 7 عسگرین اؤلدوگونو، 3 عسگرین ماشینینین دا محو ائدیلدیگینی قئید ائتدی.
دیگر طرفدن ایچ ایشلر ناظرلیگینه باغلی سرعتلی رئاکسیا قوهلریندن سعدون فهد، باتی داکی زنجیلی قصبه سیندهکی داعش عنصورلارینا یونلیک هاوا هوجوموندا آرالاریندا قادین و اوشاقلارین دا اولدوغو 25 سیویل حیاتینی ایتیردیگینی بیان ائتدی.
هانسی اؤلکهیه مخصوص اولدوغو هله ده معین ائدیله بیلمهین ساواش اوچاقینین ریفای بؤلگهسیندکی عراق قوهلرینه هوجوم اوچون حاضرلاشان داعش عنصورلرینی هدف گؤتوردوگونو بیلدیرن فهد هاوا هوجومونون بؤلگهدکی بعضی ائولرین ده ییخیلماسینا سبب اولدوغونو، حادثهده 3-و اوشاق، 9-و قادین 25 نفرین اؤلدوگونو، 60-نین ایسه یارالاندیغینی قئید ائتدی.
عراق گوجلری یا دا آمریکا لیدئرلیگیندکی اولوسلار آراسی کوالیسیون طرفیندن حادثه ایله باغلی آچیقلاما وئریلمهدی.
خاطیرلاداق کی، اؤلکهنین ایکینجی بؤیوک شهری موصولا 2014-جو ایلین ژوئن آییندان بری دیر داعش نظارت ائدیر.
عراق قوهلری 2016-جی ایلین نوامبر آییندا شهرین دوغوسونو گئری قایتاردیقدا، فوریه آیینین 19-دا ایسه موصولون باتی سینین قورتارما عملیاتی باشلانمیشدی.