سوریه سورونونا سیاسی چؤزوم
لاوروو، موسکوادا اولان آمریکالی قونومداشی رکس تیلرسون ایله بیرگه مطبوعات کنفرانسی تشکیل ائتدی
![سوریه سورونونا سیاسی چؤزوم](http://cdn.trt.net.tr/images/xlarge/rectangle/71da/709b/2265/58ef03c446b3b.jpg?time=1719049327)
روسیا خاریجی ایشلر باخانی سرگئی لاوروو، واشینگتن رهبرلیگی ایله سوریهده داها اؤنجه الده اولونان "هاوا ساحهسی آنلاشماسی"نین یئنیلهنهجگینی سؤیلهدی.
لاوروو، موسکوادا اولان آمریکالی قونومداشی رکس تیلرسون ایله بیرگه مطبوعات کنفرانسی تشکیل ائتدی.
روس باخان، آمریکا ایله، سوریهنین ادلب شهرینده 4 آوریلده تشکیل ائدیلن شیمیایی سالدیرینین سوروشدورولماسی قونوسوندا آنلاشدیقلارینی قید ائتدی.
ایکی اؤلکهنین سوریه پروبلئمینین حلی قونوسوندا امکداشلیغا داوام قراری دا آلدیقلارینی ایفاده ائدن ائو صاحبی خاریجی ایشلر باخانی، بونون سیاسی یوللاردان اولماسی قونوسوندا اورتاق گؤروش داشیدیقلارینی قید ائتدی.
داها سونرا سؤز آلان تیلرسون ایسه، سوریه رژیمینه قارشی تنقیدلره داوام ائتدی.
تیلرسون، رژیمین، اؤلکهنین 50 فرقلی نقطهسینده کلر بومباسی و فرقلی شیمیایی سلاحلار قوللاندیغینی ایفاده ائتدی.
لاوروو و تیلرسون، خاریجی ایشلر باخانلیگی قوناق ائوینده تخمینا بئش ساعات داوام ائدن بیر گؤروشمه گرچکلشدیرمیشدی.
روسیا دؤولت باشقانی پوتین، داها سونرا، تیلرسونو کرملین ساراییندا قبول ائتمیشدی.
موسکوا و واشینگتون، 2015.جی ایلده، سوریه هاوا ساحهسینین گوونلی ایستیفادهسی قونوسوندا یاشادیقلاری بیر سیرا اختیلافین آردیندان، اوچوش گوونلیگی ایله ایلگیلی بیر مموراندوم ایمضالامیشدی.