روسیا، آمریکا ایله امضالادیغی آنلاشمانی آسقییا آلدی

آمریکانین سوریه عملیاتی‌نین آردین‌دان، روسیا، سوریه‌ده‌‌کی هاوا گوونلیگی آنلاشماسی‌نین آسقییا آلیندیغینی بیلدیردی.

روسیا خاریجی ایشلر باخانلیغین‌دان وئریلن آچیقلامادا، آمریکانین سوریه‌ده‌کی الشعیرات هاوا مرکزینی وورماسی "دوشونجه‌سیزجه" اولا‌راق دگرلندیریلدی.

باخانلیق، آمریکا ایله ائدیلن سوریه‌ده‌کی هاوا گوونلیگی آنلاشماسینی آسقییا آلدیغینی آچیقلادی.

بو آنلاشما، ایکی اؤلکه‌نین اوچاق‌لاری‌نین سوریه هاوا ساحه‌سینده قارشی قارشییا گلمه‌سینی اؤنلمک مقصدیله امضالانمیشدی.

بیرلشمیش میلت‌لر تشکیلاتی‌نین گوونلیک شوراسینی عاجل توپلانتییا چاغیران روسیا خاریجی ایشلر باخانلیغی، آمریکانین عملیاتینا باغلی ادعا‌لار ایره‌لی سوردو.

آچیقلامادا،

"آمریکا‌نین سوریه سالدیریسینی ادلبده ائدیلدیگی ادعا ائدیلن شیمیایی سالدیری اؤنجه‌سینده پلانلاشدیردیغی چوخ آچیق" ایفاده‌لری یئر آلدی.