پوتین، گوونلیک شوراسینی توپلادی
آچیقلامادا، آمریکانین رژیمه عاید هاوا مرکزینی وورماسی "سالدیرقانلیق ائیلمی" اولاراق دگرلندیریله‌رک، بو دورومون اولوسلارآراسی حقوقا ضد اولدوغو ساوونولدو
روسیا دؤولت باشقانی ولادیمیر پوتین، آمریکانین سوریه‌ده رژیمه عاید هاوا مرکزینه تشکیل ائتدیگی سالدیرینین آردین‌دان گوونلیک شوراسینی توپلادی.
کرملین‌دن وئریلن آچیقلامادا، گوونلیک شوراسی‌نین توپلانتی‌سیندا سوریه‌ده‌کی سون گلیشمه‌لرین آیرینتیلی بیر شکیلده دگرلندیریلدیگی ایفاده ائدیلدی.
آچیقلامادا، آمریکانین رژیمه عاید هاوا مرکزینی وورماسی "سالدیرقانلیق ائیلمی" اولاراق دگرلندیریله‌رک، بو دورومون اولوسلارآراسی حقوقا ضد اولدوغو ساوونولدو.
بو جور سالدیرقان حرکت‌لرین اولوسلارآراسی تروریزمله مباریزیه پیس تأثیر ائدجیینه دقت چئکیلن آچیقلامادا، سون گلیشمه‌لرین روسیا-آمریکا ایلیشکی‌لرینه ضرر وئردیگی ایفاده ائدیلدی.
روسیا گوونلیک شوراسی‌نین ییغینجاغینا، باشباخان دمیتری مئدودو، ساوونما باخانی سرگئی شویگو، ایچ و دیش استخبارات سرویسی باشقان‌لاری ایله ایلگیلی باشقا اوست سویه یئتکی‌لی‌لر قاتیلدی.
