پاکیستاندا ترور شبههلیلری نیظامی محکمهلرده محاکیمه اولوناجاق
پاکیستان پارلامنتینین آلت قانادی میللی مجلیسده کئچیریلن سسوئرمهده، وظیفه مدتی ژانویه آییندا بیتن نیظامی محکمهلرین ایکی ایل داها ترور شبههلیلرینی محاکیمه ائتمهیه داوام ائتمهسینه یؤنلیک قانون لاییحهسی قبول ائدیلدی
![پاکیستاندا ترور شبههلیلری نیظامی محکمهلرده محاکیمه اولوناجاق](http://cdn.trt.net.tr/images/xlarge/rectangle/8e4c/818c/812e/58d25383819aa.jpg?time=1719158586)
پاکیستاندا ترور شبههلیلرینین نیظامی محکمهلرده محاکیمه نظرده توتان قانون پروژهسی، میللی مجلیسده سس وئریلهرک قبول ائدیلدی.
پاکیستان پارلامنتینین آلت قانادی میللی مجلیسده کئچیریلن سسوئرمهده، وظیفه مدتی ژانویه آییندا بیتن نیظامی محکمهلرین ایکی ایل داها ترور شبههلیلرینی محاکیمه ائتمهیه داوام ائتمهسینه یؤنلیک قانون لاییحهسی قبول ائدیلدی.
لاییحهنین، پارلامنتین اوست قانادی سناتودا دا قبول ائدیلمهسی لازیمدیر.
نیظامی محکمهلر، ایکی ایللیک مسئولیت مدتی ایچینده باخدیقلاری 274 ادعادا، 161 شبههلی اوچون اعدام جزاسینا، 113 شبههلی اوچون ده مختلیف حبس جزالارینا حکم ائتمیشدی. اعدام جزالاریندا بو آنا قدر 21ینین اعدامی ائدیلدی.
نیظامی محکمهلر، 2014-جو ایلده طالبان ترور تشکیلاتینین اؤلکهنین شمال-غربیندکی پیشاوره، چوخو اوشاق 154 نفرین اؤلمهسی ایله نتیجهلنن مکتب باسقینینین آردیندان قورولموشدو.