سوریه-ده داها 47 تروریست یوخ ائدیلدی
عملیاتین 164-جو گونونده ترور تشکیلاتی داعش-ه عاید 135 هدف بومبالاندی.
تورک سلاحلی گوجلری طرفیندن، سوریه-نین قوزیی ینده کی ترور هدفلرینه یونلیک داوام ائدن فرات قالخانی عملیاتی نین 163-جو گونونده ترور تشکیلاتی داعش عضوو 47 تروریست یوخ ائدیلدی.
باش قرارگاه رئیس‌لیگی‌نین معلوماتینا گؤره تورک سلاحلی گوجلری طرفیندن داعش باشدا اولماقلا ترور تشکیلات‌لاری‌نین یاراتدیغی تهدیده سون قویماق، حدود گوونلیگینی گوجلن‌دیرمک و کوالیسیون گوجلرینه دستک مقصدیله 24 آوقوست 2016-دا باشلادیلان حرکات داوام ائدیر.
عملیاتین 164-جو گونونده ترور تشکیلاتی داعش-ه عاید 135 هدف بومبالاندی.
تورک هاوا گوجلرینه عاید اوچاقلارلا الباب و بزاگاه بؤلگه‌لرینده داعش-ین سیغینما مقصدلی ایستیفاده ائتدیگی 45 بینا، 5 قرارگاه بیناسی، بومبا یوکلو 3 ماشین، سلاح ایله تجهیز ائدیلمیش 2 ماشین و مهمات انباری داغیدیلدی.
کوالیسیون قوه‌لری‌نین عینی بؤلگه‌ده حیاتا کئچیردیک‌لری هاوا سالدیریسی نتیجه‌سینده ایسه بیر چوخ هدف یئرله یئکسان ائدیلدی. ترور تشکیلاتین‌دان آزاد ائدیلن اراضی‌لرده تاپیلان موختلیف سلاح و پارتلاییجی‌لار محو ائدیلدی.
