روسیانین آتن کونسولو اؤلو تاپیلدی

یونانیستانین باشکندی آتن‌ده اوست دوزئی بیر روس دیپلومات ائوینده اؤلو تاپیلدی.

یونان پلیسین‌دن وئریلن آچیقلامایا گؤره، روسیانین آتن کونسولو آندره مالانین، گوندوز ایشه گئتمه‌دی.

بونون اوزرینه ائوینه گئدن بیر کونسوللوق ایشچی‌سی، اوتاغیندا یئرده یاتان 54 یاشین‌داکی مالانینین جسدی ایله قارشی‌لاشدی.

جسدده هر هانسی بیر یارا، ائوده ده بیر بوغوشماق ایزی اولمادیغینی ایفاده ائدن پلیس، اؤلوم سببینی آراشدیریر.

بیر پلیس قایناغی، روس دیپلوماتین طبیعی یول‌لارلا حیاتینی ایتیردیگینی بیلدیرسه ده، جسد، بیر کاردیولوگ طرفین‌دن اینجه‌لنه‌جک.

آنکارادا 19 دسامبردا روس سفیر آندره کارلوو اؤلدورولموش، بیر نئچه ساعات سونرا دا موسکوادا یوکسک سویه‌لی بیر دیپلومات ائوینده اؤلو تاپیلمیشدی.

بو حادثه‌لردن 6 گون سونرا دا بیر روس حربی اوچاغی، چوخو قیزیل اوردو کر صنعتچی‌لرین‌دن اولوشان یولجولارییلا، قارا دنیزه دوشموشدو.