موصول-دا 157 تروریست اؤلدورولدو

موصول عملیاتینین 9-جو گونونده داها 14 یاشاییش منطقه‌سی داعش-دن قورتاریلدی، 157 تروریست یوخ ائدیلدی.

توققوشما‌لار زامانی بومبا یئرلشدیریلمیش 21 ماشین محو ائدیلدی.

ناتو دا ترور تشکیلاتی داعش-ه قارشی کوالیسیون قوه‌لرینه بیرباشا دستک وئردیگینی آچیقلادی.

ناتو-نون باش کاتیبی ینس ایستولتئنرگ  آواکس کشفیات اوچاقلارینین کوالیسیونا دستک مقصدیله هاوالاندیغینی بیلدیردی.

داوام ائدن عملیاتدا بعشیقه‌یه نظارت تامامیله پئشمرگه قوه‌لرینه کئچدی.

سیویل لرین بولگه‌دن قاچیشی توققوشمالارین داوام ائتمه‌سی ایله سرعت‌لندی.

عیراق کؤچ و کوچمن لر ناظیرلیگی موصولون اطرافیندا قورتاریلان بؤلگه‌لردن 3 مین 802 نفرین کؤچ ائتدیگینی آچیقلادی.

بیرلشمیش میللتر تشکیلاتی دا موصولدا مغلوب اولان داعش-ین قتل عاملار توره تدیگینی، خالق‌دان دا جانلی قالخان کیمی ایستیفاده ائتدیگی باره‌ده خبردارلیق ائتدی.

عملیات ایله علاقه‌دار بیر باشقا اندیشه وئریجی خبر ایسه تلافر جبهه‌سین‌دن گلدی.

تورکمن‌لرین یاشادیغی تلافرین، ایران باغلانتیلی شیعه هاشدی شابی گوج‌لری‌نین یئتکی ساحه‌سینه بوراخیلدیغی ادعا ائدیلیر.

هاشدی شابی گوج‌لری، سنی اها‌لی‌نین اکثریتده اولدوغو بؤلگه‌لرده خالقی هدف آلان شدت ائیلملری ایله بیلینیر.

موصولون ترور تشکیلاتی داعش-دن تمیزلنمه‌سی اوچون، عیراق اوردو بیرلیک‌لری، پئشمرگه گوج‌لری و بؤیوک اکثریتینی بعشیقه کامپینداکی تورک عسگرلری‌نین اؤیرتدیگی نینوا مجاهیدلری،  اوکتوبرین 17-ده عملیات باشلاتمیشدی.