جاش ارنست:" یاردیم ماشینینین وورولماسی باغیشلانیلماز بیر وضعیتدیر"
آغ ائوین سؤزچوسو جاش ارنست اینسانی یاردیم یوک ماشینینین وورولماسینی اولوسلار آراسی پرینسیپلره تامامیله ضد اولدوغونو سؤیلهدی.
آغ ائوین سؤزچوسو جاش ارنست سوریهنین حلب شهری یاخینلیغیندا 19 سپتامبردا اینسانی یاردیم یوک ماشینینین وورولماسینی اولوسلار آراسی پرینسیپلره تامامیله ضد اولدوغونو و بیر چوخ اینسانی گؤزونده بونون بیر ساواش سوچو اولدوغونو سؤیلهدی.
گوندهلیک مطبوعات کونفرانسیندا سوریهدهکی سون وضعیت و آتشکس ایله باغلی سواللاری جاوابلاندیران ارنست دئدی: "آتشکس بیتن کیمی اؤلکهده شدت آرتدی و پروسئس نامعلوم نقطهیه گلدی. بوندا روسیا و سوریه حکومتی مسئولیت داشیییر. حلبده کی یاردیم ماشینینین وورولماسی باغیشلانیلماز بیر وضعیتدیر".
بشار اسدین "سوریهده شدتین آرتماسیندان آمریکا بیرلشمیش دوولتلری مسئولیت داشیییر” آچیقلاماسینا ایسه ارنست:"بو حیاسیز بیر یالاندیر" دئدی.
روسیانین اسد رژمی اوزرینده دکی نفوذوندان ایستیفاده ائتمهسیله باغلی ایسه آغ ائوین سؤزچوسو جاش ارنست بئله دئدی: "روسیا بونو یا ائتمیر، یا دا ائتمک ایستمیر. اما، منجه، ائتمک ایستمیر."