پاکیستان فتو ایله موباریزهده تورکیهنین یانیندا
پاکیستاندا 21 ایلدیر فعالیت گؤسترن فتونون پایتخت ایسلام آباددا "رومی فوروم" آدی آلتیندا دا بیر مدنیت درنکی موجود
![پاکیستان فتو ایله موباریزهده تورکیهنین یانیندا](http://cdn.trt.net.tr/images/xlarge/rectangle/f83b/9e78/b2c1/579ed3c1d941d.jpg?time=1719005454)
پاکیستان فتو ایله موباریزهده تورکیهنین یانیندا.
پاکیستان، فتو مکتبلرینین آکتیو شکیلده فعالیت گؤستردیگی اؤلکهلردن بیری اولاراق اؤنه چیخیر.
سؤز موضوعسو تحصیل موسسیسهلری نزدینده 11 میندن چوخ شاگیرد و مین 500 جیواریندا معلم وار. پاکیستاندا 21 ایلدیر فعالیت گؤسترن فتونون پایتخت ایسلام آباددا "رومی فوروم" آدی آلتیندا دا بیر مدنیت درنکی موجود. رومی فورومون کئچدیگیمیز هفته ایچریسینده وب سایتیندان فتح الله گولهنین آدینی قالدیرماسی دقتی چکدی.
"پاک-تورک بین الخالق مکتبلری" اولاراق آدلاندیریلان 26 فتو مکتبینین تورک میللی تحصیل ناظیرلیگینه باغلانماسی دا گوندمده.
بیر نئچه گون اوّل تورکیهنین پاکیستان سفیری صادق بابور گیرگین، موضوعیا باغلی پاکیستانلی مطبوعات منسوبلارینا ائتدیگی آچیقلامادا، "دوست اؤلکهلرین فتونون فعالیتلرینه دایر لازیملی تدبیرلری آلمالاری" ایفادهسینی ایستیفاده ائتمیشدی. تورک مسئوللارین موضوعنو پاکیستان اورقانلارینا داشیماسیدیر آردیندان، تورکیهنین طلبی پاکیستان خاریجی ایشلر ناظیرلیگینده سس سالماسی و پاکیستان خاریجی ایشلر موشاویری لیدرلیگینده موضوع گؤروشولموشدو.
تورکیه، پاکیستانداکی فتو مکتبلرینین باغلانیلماسی طلبینی 2014-جو ایلده پاکیستانلی اوست سویه مسئوللارلا گؤروشموش، پاکیستان، خصوصیله بو ایل موضوعیا باغلی آچیق ایش بیرلیگینه گئتمیشدی.
تورکیه خاریجی ایشلر ناظیری مولوت چاووش اوغلونون 1-2 آوقوست چرشنبه آخشامی گونو باشکند ایسلام آبادا رسمی سفر ائتمهسی گؤزلنیلیر. پاکیستان باش ناظیرینین خاریجی ایشلر موشاویری سرتاچ عزیز ایله بیر گؤروشمه رئاللاشدیرماسی پلانلاشدیریلان چاووش اوغلونون، پرزیدنت ممنون حسین باشدا اولماق عذره پاکیستانلی مسئوللارله بیر آرایا گلمهسی نظرده توتولور.
فتوجو ایش آداملارینین دا پاکیستاندا بیر سیرا تیجاری فعالیتلر ایجرا ائتدیگی بیلینیر. پاکیستاندا فتویا دستک اولان یوزلرله شیرکتین TUSKON-نا عضولوگو اولدوغو ایفاده ائدیلیر. بعضی قایناقلار، مختلیف سکتورلاردا میلیاردلارلا پاکیستان روپیسی یاتیریم ائدن بو شیرکتلرین، اؤلکهنین دؤرد بیر یانیندا فعالیت گؤستردیگینه ایشاره ائدیر. توسکونون، مرکز اولاراق لاهور شهریندکی پاک-تورک ایش آداملاری درنکینین (PTBA) اوفیسینی ایستیفاده ائتدیگی ادعا ائدیلیر.
پاکیستاندا SEE TV آدلی کانالین دا فتو تبلیغاتی ائتدیگی ایفاده ائدیلیر.