رمادیده، ترور تشکیلاتی داعش، 100 عسگری محاصره آلتیندا توتور
فللوجهنین داعشین الیندن قورتاریلماسی عملیاتلاری چرچیوهسینده اوردو بیرلیکلری، فرمانداری، پولیس، کشفیات و شهرستان مجلیسی کیمی بینالارین ایدارهسینی اله کئچیرمیشدی
عراقین غربینده یئر آلان انبار ویلایتینین مرکزی رمادیده، ترور تشکیلاتی داعش، 100 عسگری محاصره آلتیندا توتور ...
اوردو قایناقلاریندان آلینان معلوماتا گؤره، محاصره آلتینداکی عسگرلر، ترور تشکیلاتینین هاوان توپو سالدیریلارینا معروض قالیر.
عراق فدرال پولیس رئیسی ژنرال راید شاکیر جودت، ائتدیگی آچیقلامادا، فللوجهدکی حکومت بینالارینین اله کئچیریلمهسینین آردیندان فدرال پولیس گوجلرینین های نیزال بؤلگهسیندکی ائولری میندن تمیزلمه عملیاتینا باشلادیغینی ایفاده ائدهرک،
"مین تاراما عملیاتی اثناسیندا داعشه عایید بیر محکمه تاپیلدی. محکمه نزدینده 3 دنه بوش حبسخانا یئر آلیر." دئدی.
جودت، ترور تشکیلاتینین محبوسلاری توپلوجا اعدام ائتمیش و یا اوردو بیرلیکلرینین بؤلگهده نظارتی اله گئچیرمهدن اوّل فللوجهنین خاریجینه نقل ائتمیش اولا بیلهجگینی ایفاده ائتدی.
فللوجهنین داعشین الیندن قورتاریلماسی عملیاتلاری چرچیوهسینده اوردو بیرلیکلری، فرمانداری، پولیس، کشفیات و شهرستان مجلیسی کیمی بینالارین ایدارهسینی اله کئچیرمیشدی.
دیگر طرفدن، عراق اوردوسونون موصولون جنوبونداکی القّیارا ناحیهسیندن ترور تشکیلاتی داعشدن گئری آلماق اوچون ساوونما ناظیری خالد العبیدینین کونترولوندا باشلادیلان عملیات دا داوام ائدیر.