کؤرفز امکداشلیق شوراسی ایجلاسی ریاضدا گئچیریلیر
سعودی عربیستانی کرالی، بؤلگهلرینین چتین شرطلر آلتیندا اولدوغونو ایفاده ائدهرک، پروبلملرله موباریزه اوچون بیرلیک چاغیریسی ائتدی
کؤرفز امکداشلیق شوراسی ایجلاسی، سعودی عربیستانینین باشکندی ریاضدا گئچیریلیر.
ایجلاسین آچیلیشیندا دانیشان سعودی عربیستانی کرالی سلمان بن عبدالعزیز، ترورلا ایسلامیت آراسیندا باغ قوران سهو آنلامالاری تنقید ائتدی.
سعودی عربیستانی کرالی، بؤلگهلرینین چتین شرطلر آلتیندا اولدوغونو ایفاده ائدهرک، پروبلملرله موباریزه اوچون بیرلیک چاغیریسی ائتدی.
کرال سلمان، فیلیسطین خالقینین قانونی حقوقلارینا قوووشماسینین و فیلیسطین دولتینین قورولماسینین اؤنجهلیکلی مسئلهلری اولدوغونو وورغولادی.
سعودی کرالی، سوریه پروبلمینه دا، بیرینجی ژنو توپلانتیسینا اویغون بیر سیاسی حلّ یولو تاپیلماسی لازیم اولدوغونو قید ائتدی.
ایجلاسدا دانیشان قطرامری شیخ تمیم بن حمد آل ثانی ده تروریزمین، معاصر دونیانین قارشی-قارشییا اولدوغو ان تهلوکهلی پروبلملردن بیری اولدوغونو وورغولادی.
ایکی گون داوام ائدهجک ایجلاسدا، بؤلگهسل اینکیشافلارین یانیندا کؤرفز اؤلکهلرینین اورتاق گوونلیک، اقتصادی و نیظامی همرایلیک موضوعلاری اله آلینیر.