موگرینینین تهران سفری
ایرانلا ائدیلن آنلاشمانین باش مذاکرهچیسی اولان موگرینی، تهراندا، خاریجی ایشلر باخانی محمد جواد ظریف ایله گؤروشدو
آوروپا بیرلیگی خاریجی سیاست یوکسک نمایندهسی فدریکا موگرینی، عربیستانین آردیندان ایرانا گئچدی.
ایرانلا ائدیلن آنلاشمانین باش مذاکرهچیسی اولان موگرینی، تهراندا، خاریجی ایشلر باخانی محمد جواد ظریف ایله گؤروشدو.
جواد ظریف گؤروشمهده، ایران و آوروپا بیرلیگی آراسیندا، انرژی، تروریزمله مباریزه و انسان حاقلاری کیمی چئشیدلی قونولاری اله آلدیقلارینی سؤیلهدی.
ایرانلی باخان، چئشیدلی ساحهلرده اورتاق مذاکیرهلری باشلادماق اوچون آوروپا بیرلیگی ایله آنلاشدیقلارینی ایفاده ائتدی.
موگرینی ده، ایرانلا واریلان نوکلئر آنلاشمانین حیاتا گئچیریلمهسینین، سیاسی ایرادهیه و ایلگیلی طرفلرین گؤسترجیی صبره باغلی اولدوغونو ایفاده ائتدی.
ایران ایله امکداشلیغین اؤزلری اوچون چوخ اؤنملی اولدوغونو وورغولایان موگرینی، آنلاشمانین، ایران و باتی آراسینداکی امکداشلیغین داها دا گئنیشلنمهسینه ایمکان تانییاجاق بیر توتوما صاحب اولدوغونو قید ائتدی.