یمنده شدتلی کوچه چاتیشمالاریندا اونلارلا آدام اؤلدو
چاتیشمالار، یمن-سعودی عربیستانی مرکزینده ده داوام ائدیر
یمنین تعز شهرینده داوام ائدن شدتلی کوچه چاتیشمالاریندا اونلارلا آدام اؤلدو.
شهرده یاناجاق یوکلو بیر تانکرین پارتلاییش ائتمهسی نتیجهسینده ایسه 13 نفر حیاتینی ایتیردی.
چاتشمالار، یمن-سعودی عربیستانی مرکزینده ده داوام ائدیر.
سعودی مسئوللار، سرحدین قارشی طرفیندن آچیلان آتش نتیجهسینده نجران ویلایتینده 1 نفرین اؤلدوگونو، 2 نفرین یارالاندیغینی بیلدیردی.
بو آرادا، کوالیسیون گوجلرینین شیعه حوثیلره ایستیقامتلی عملیاتلاری داوام ائدیر.
سعودی عربیستانی لیدرلیگیندکی کوالیسیون تییارهلری، باشکند صنعادا هاوا بومباردمانینی آرتیردی.
بومباردماندا حوثیلری دستکلهین اسکی دولت باشقانی علی عبدالله صالحین ائوینین اولدوغو بؤلگهدن توستولر یوکسلدی.
سالدیریلار اثناسیندا ایران سفیرلیگی یاخینلیغیندا دا 2 راکت دوشدو.
بونون اوزرینه ایران، خاریجی ایشلر ناظیرلیگینه چاغیردیغی سعودی عربیستانی مصلحتگذارینا نوتا وئردی.