اصفهان شهرینه قورخو و گرگینلیک حاکم
اسید سپمه اولاییندا بیر قیزین اؤلدوگو ادعا ائدیلیر
اصفهان شهرینده گنج قادینلارین اوزلرینه اسید آتیلماسی اولایینا اعتراض ائدیلدی.
اصفهان‌دا دادگستری بناسینین، تهران‌دا ایسه شورا مجلسی‌نین اؤنونده توپلانان خالق، امر به معروف آدینا ایشله‌ندیگینی ادعا ائتدیک‌لری بو جنایت‌لرین قاعل‌لرینین جزالاندیریلماسینی ایسته‌دی.
هر ایکی شهرده "امر به معروف و اسید ایسته‌میریک"، "آشیری دینچی‌لره اؤلوم"، "امنیت مسلم حاقیمیزدی" و "شورا مجلیسی بیزیم اوز قارامیز" کیمی شعارلار وئرن قالابالیق، سون گونلرده امر به معروف آدینا ائدیلدیگی ادعا ائدیلن گنج و گؤزل خانیملارین اوزونه اسید سپیلمه‌سینه قارشی تدبیر آلینماسینی ایسته‌دی.
بو اولایلاردان سونرا گنج قیزلاردان بیرینین اؤلدوگو ادعا ائدیلیر. بو جنایتلردن کیملرین سورمولو اولدوغو و یا فاعل و شبهه‌لی‌لرین یاخالانیب یاخالانمادیغی حاقیندا رسمی بیر آچیقلاما وئریلمیش دئییل. اصفهان شهرینه بو جنایتلردن سونرا آغیر بیر قورخو حاکم اولدوغو و خانیملارین کوچه‌یه چیخمایا قورخدوغو بیلدیریلیر.
