ایران هیاتی آمریکادا
ایران هیاتی نوکلئر مذاکیرهلر اوچون آمریکایا گئتدی
ایران خاریجی ایشلر باخانی جواد ظریف و بیلهسیندکی هیات، ٥ + ۱ اؤلکلریله نوکلئر مذاکیرهلر اوچون آمریکایا گئتدی. ایران خبر آژانسی ایرنایا گؤره، دانیشیقلار، یارین ظریف و آوروپا بیرلیگی خاریجی سیاست یوکسک نمایندهسی و ٥ + ۱ قروپو باش مذاکرهچیسی کاترین آشتون آراسیندا گون اورتا ایش یئمهگی ایله باشلایاجاق. هیاتلر، یئمک سونراسی و جمعه آخشامی گونو ایکیلی گؤروشمهلر ائدهجک.
ایرانلا گوونلیک شوراسینین ٥ دایمی عضوو و آلمانیانین (٥+۱) نمایندهلری آراسیندا گئچن ایل گرچکلشن دانیشیقلاردا، اولوسلارآراسی یاپدیریملارین آزالدیلماسی قارشیلیغیندا تهرانین دا نوکلئر پروگرامینی محدودلاشدیرماسی اؤن گؤرولموشدو. طرفلرین، ۲٤ نوامبر ۲۰۱۳ ژنوده واردیغی گئچیجی آنلاشمایلا تحریملر یونگوللشدیریلمیش و قابساملی آنلاشمانین ۲۰ جولایا قدر ائدیلمهسی اؤن گؤرولموشدو. آنجاق دفعهلرله بیر آرایا گلن طرفلر، گئچیجی آنلاشمانین ۲٤ نوامبرا اوزادیلماسینی قرارلاشدیرمیشدی.