اسد گوجلرینین سالدیریلاریندا 106 آدام اؤلدو
سوریه رسمی خبر آژانسی سانا، گوونلیک گوجلرینین حلب، درعا، حما، حمص و پایتخت شام چؤلونده تشکیل ائتدیگی عملیاتلاردا چوخ سایدا سلاحلی قروپو تاثیرسیز حالا گتیردیگینی
اسد گوجلرینین سالدیریلاریندا 106 آدام اؤلدو
سوریهده، بشار اسده باغلی اوردو بیرلیکلرینین، مخالیفلرین یوخلاماسینداکی بؤلگهلره آغیر سلاحلارلا تشکیل ائتدیگی سالدیریلاردا 106 نفرین اؤلدوگو بیلدیریلدی.
بو آرادا سوریه عمومی اینقیلاب شوراسی (SRGC) ده ائتدیگی آچیقلامادا، اوردویا باغلی ساواش اوچاقلارینین اؤلکهنین شیمالینداکی حلبده مخالیفلرین ایدارهسینده اولان بؤلگهلره بوشکا و خلاء بومبالاری آتدیغینی ایفاده ائتدی.
حلب و راکا شهرلرینه تشکیل ائدیلن سالدیریلاردا چوخ سایدا مسکونلاشما یئرینین بؤیوک زیان گؤردوگو، بیلدیریلن آچیقلامادا، باشکندین دوما، درعا، مولئیها، قابیق و جوبار بؤلگهسینین اسد گوجلرینین یوغون سالدیریلارینا معروض قالدیغی ایفاده ائدیلدی.
دیگر طرفدن سوریه رسمی خبر آژانسی سانا، گوونلیک گوجلرینین حلب، درعا، حما، حمص و پایتخت شام چؤلونده تشکیل ائتدیگی عملیاتلاردا چوخ سایدا سلاحلی قروپو تاثیرسیز حالا گتیردیگینی و واسطهلرینی محو ائتدیگینی ائشیتدیردی.